Property Rule : મકાનમાલિકો મનમાની ન કરી શકે, ભાડૂઆતના પણ છે આ કાનૂની અધિકારો જુઓ
ભારતમાં ભાડૂઆતોના અધિકારોનું રક્ષણ કરવા માટે વિવિધ કાયદા અને નિયમનો છે, જે ભાડૂઆતોને અન્યાયી વર્તન, ગેરકાયદેસર રીતે બહાર કાઢવા અને અન્ય સમસ્યાઓથી રક્ષણ પૂરું પાડે છે.
ભાડૂતોને પાણી, વીજળી અને અન્ય આવશ્યક સેવાઓનો સતત પુરવઠો મેળવવાનો અધિકાર છે. વાજબી બહાના વગર આ સેવાઓ બંધ કરવી ગેરકાયદેસર છે. ભાડૂતોને ગોપનીયતાનો અધિકાર છે, મકાનમાલિકો કોઈ મુશ્કેલ પરિસ્થિતિઓ સિવાય કે જાણ કર્યા વિના ભાડુઆતના ઘરમાં પ્રવેશી શકતા નથી.
ભાડૂતોને સિક્યોરિટી ડિપોઝિટ પરત કરવાનો અધિકાર છે, જો મિલકતને કોઈ નુકસાન ન થયું હોય. જો મકાનમાલિક ડિપોઝિટ પરત કરવામાં નિષ્ફળ જાય, તો ભાડૂતો રેન્ટ અથોરિટી અધિકારી પાસેથી મદદ માંગી શકે છે.
જો મકાનમાલિક પોતાની ફરજો બજાવતો નથી, તો ભાડૂઆત નીચેના પગલાં લઈ શકે છે, લેખિત ફરિયાદ મકાનમાલિકને સમસ્યાની લેખિતમાં જાણ કરો. સ્થાનિક ભાડા અધિકારીનો સંપર્ક કરો, સ્થાનિક ભાડા અધિકારીને ફરિયાદ દાખલ કરો. જો જરૂરી હોય તો, કોર્ટમાં અરજી દાખલ કરો.
હાલની કેટલીક ઘટનાઓ આપણે જોઈએ તો, મહારાષ્ટ્ર સરકાર પોલીસ સ્ટેશનોમાં ઓનલાઈન ભાડૂઆત ચકાસણી સિસ્ટમ લાગુ કરવાની યોજના બનાવી છે, જેનાથી ભાડૂઆતોને પોલીસ સ્ટેશનની રૂબરૂ મુલાકાત લેવાની ફરજ પડશે નહી.
. (Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Image Symbolic)
