કાનુની સવાલ : કોઈને આત્મહત્યા માટે ઉશ્કેરવા બદલ કેટલી સજા થઈ શકે છે? જાણો નિયમો
થોડા સમય પહેલા એન્જિન્યરિંગ અતુલ સુભાષની આત્મહત્યા બાદ થી ઘરેલું હિંસા કાનુન,આત્મહત્યા માટે ઉશ્કેરવાને લઈ બનેલા કાનુન પર ખુબ ચર્ચાઓ થઈ હતી.ચાલો સમજીએ કે નવા કાયદાની કલમ 108 આ સંદર્ભમાં શું કહે છે.
બેંગલુરુના એન્જિનિયર અતુલ સુભાષના આત્મહત્યા કેસમાં, તેમની પત્ની, સાસુ, સાળા અને કાકા વિરુદ્ધ આત્મહત્યા માટે ઉશ્કેરવાનો કેસ નોંધવામાં આવ્યો હતો.
સુપ્રીમ કોર્ટે આ વર્ષે ઓક્ટોબર મહિનામાં અને ગયા વર્ષે નવેમ્બર-ડિસેમ્બરમાં પણ આવું જ અર્થઘટન આપ્યું હતું, જ્યાં કોર્ટે સ્વીકાર્યું હતું કે માત્ર ઉશ્કેરણીનો આરોપ પૂરતો નથી. તેના બદલે, આરોપીએ બતાવવું પડશે કે, ઉશ્કેરણી એવી હતી કે વ્યક્તિ પાસે આત્મહત્યા સિવાય બીજો કોઈ વિકલ્પ નહોતો.
આ રીતે, સુપ્રીમ કોર્ટે IPC ની કલમ 306 (આત્મહત્યા માટે ઉશ્કેરણી) ને ફરીથી વ્યાખ્યાયિત કરી. જે મુજબ, ફક્ત ઉત્પીડનના આધારે કોઈને પણ આત્મહત્યા માટે ઉશ્કેરવાનો દોષી ઠેરવી શકાય નહીં.IPCની કલમ 306 હવે ભારતીય ન્યાયિક સંહિતામાં કલમ 108 બની ગઈ છે. જેમાં બિન-જામીનપાત્ર વોરંટ, સેશન્સ કોર્ટમાં ટ્રાયલ, 10 વર્ષની કેદ અને દંડની જોગવાઈ છે.
ભારતીય દંડ સંહિતાની નવી દાખલ કરાયેલી કલમ 108 જણાવે છે કે, જો કોઈ વ્યક્તિ બીજા વ્યક્તિને આત્મહત્યા કરવા માટે પ્રોત્સાહિત કરે છે અથવા મદદ કરે છે, તો તેને દસ વર્ષની જેલ અને દંડની સજા થઈ શકે છે. પરંતુ હવે ભવિષ્યના કેસોમાં આ કલમ 108નું અર્થઘટન સ્પષ્ટપણે સુપ્રીમ કોર્ટ દ્વારા કરવામાં આવેલી તાજેતરની ટિપ્પણીઓના પ્રકાશમાં જોવામાં આવશે.
ભારતીય દંડ સંહિતા મુજબ, BNSની કલમ 108 હેઠળ કેસ નોંધવામાં આવે છે. જો બે થી વધુ લોકો સંડોવાયેલા હોય, તો કલમ 3(5) ઉમેરવામાં આવે છે. કલમ 108 મુજબ, જો કોઈ વ્યક્તિ દોષિત ઠરે છે, તો તેને 10 વર્ષની જેલ અને દંડની સજા થઈ શકે છે. આ કલમો હેઠળ, પોલીસ વોરંટ વિના કોઈપણ વ્યક્તિની ધરપકડ કરી શકે છે. ઉપરાંત, ગુનો બિનજામીનપાત્ર છે.
(Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Image Symbolic)
Published On - 7:12 am, Thu, 4 September 25
