કાનુની સવાલ : શું કપલ પોતાના પ્રાઈવેટ વીડિયો શેર કરી, પૈસા કમાઈ શકે ? જાણો શું કહે છે કાયદો
હાલમાં એક એવી ઘટના સામે આવી છે. જેમાં કપલ પોતાના પ્રાઈવેટ વીડિયોને જાતે જ રેકોર્ડ કરીને ઓનલાઈન શેર કરી પૈસા કમાતા હતા.ત્યારે હવે આ ઘટના સામે આવ્યા બાદ લોકોના મનમાં એક સવાલ આવે છે કે, શું કપલ પોતાના પ્રાઈવેટ વીડિયો શેર કરીને પૈસા કમાઈ શકે.
ભારતમાં કાયદા શું કહે છે? ચાલો જાણી (IT Act 2000) કોઈપણ ઇલેક્ટ્રોનિક માધ્યમ દ્વારા 'અશ્લીલ ' સામગ્રી પ્રકાશિત/પ્રસારિત કરવો મોટો ગુનો છે, આ કેસમાં પહેલી વાર દોષિત ઠેરવવા પર 3 વર્ષ અને 5 લાખનો દંડ, બીજી વાર દોષિત ઠેરવવા પર 5 વર્ષ અને 10 લાખનો દંડ ફટકારવામાં આવે છે.
“sexually explicit”સામગ્રીનું પ્રસારણ કરવા પર પહેલી વખત દોષિત ઠેરવા પર 5 વર્ષ અને 10 લાખનો દંડ અને ત્યારબાદ દોષિત ઠેરવવા પર 7 વર્ષની જેલ થઈ શકે છે.
ભારતીય દંડ સંહિતા (IPC) 292/293 : 'અશ્લીલ' સામગ્રીનો પ્રસાર, વેચાણ અથવા જાહેર પ્રદર્શન કરવા પર, પહેલી વાર દોષિત ઠેરવવા બદલ 2 વર્ષની કેદ અથવા દંડ, પછીના કેસોમાં 5 વર્ષ સુધીની સજા થઈ શકે છે.
66E IT એક્ટ: સંમતિ વિના સેક્સુઅલ કન્ટેન શેર કરવી (Voyeurism/Revenge porn) પર 3 વર્ષ સુધીની કેદ + ₹2 લાખ દંડ ફટકારવામાં આવે છે.Domestic Violence Act, IPC 354C/D: જ્યારે કોઈ મહિલાની ગોપનીયતાનો ઉપયોગ તેને ધમકાવવા અથવા હેરાન કરવા માટે કરવામાં આવે છે ત્યારે કેસ થઈ શકે છે.
જો વીડિયોમાં કોઈ સગીર હોય, તો કલમ 67B IT એક્ટ અને POCSO એક્ટ હેઠળ 5-7 વર્ષની સજા થઈ શકે છે. ડિજિટલ માધ્યમ દ્વારા કોઈપણ સાથે શેર કરવું કે, પછી ભલે તે WhatsApp હોય કે OnlyFans તેને "પ્રસારણ" ગણવામાં આવશે અને IT એક્ટ અને IPC હેઠળ સજાપાત્ર હોઈ શકે છે.
તેથી, જો કોઈ કપલ તેમના ખાનગી વિડિયો શેર કરવા અથવા વેચવાનો પ્લાન બનાવી રહ્યું છે. પછી ભલે તે પ્લેટફોર્મ ભારતમાં હોય કે વિદેશમાં તે હજુ પણ ભારતના IT એક્ટ, IPC અને BNS નિયમો હેઠળ સજાપાત્ર ગુનો ગણવામાં આવશે.
(Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Image Symbolic)
Published On - 7:47 am, Sat, 28 June 25
