Mahakumbh Mela 2025: કુંભમેળામાં ગંગા સ્નાન કરતા પહેલા જાણી લો, નહીં તો નહીં મળે પવિત્ર સ્નાનનું પુણ્ય !
Mahakumbh 2025: કુંભમેળો થોડા જ દિવસોમાં શરૂ થવા જઈ રહ્યો છે. હિંદુ ધર્મમાં કુંભમેળા દરમિયાન ગંગામાં સ્નાન કરવું ખૂબ જ પુણ્યનું કાર્ય માનવામાં આવે છે. કુંભમેળામાં ગંગા સ્નાન કરવાથી અખૂટ ફળ મળે છે તેવી માન્યતા છે. જો તમે પણ મહા કુંભમેળામાં ગંગા સ્નાન કરવા જઈ રહ્યા છો તો તે પહેલા તમારે કેટલાક નિયમો વિશે જાણી લેવું જોઈએ.
જો તમે મહા કુંભમેળામાં ગંગામાં સ્નાન કરવા જઈ રહ્યા છો, તો તમારે ગંગામાં ઓછામાં ઓછા 3 ડૂબકી લગાવવી જોઈએ. આ સિવાય મહા કુંભમેળામાં ગંગામાં સ્નાન કરતી વખતે તમે 5, 7 કે 12 વાર ડૂબકી લગાવી શકો છો.
ગંગામાં સ્નાન કરતી વખતે 'ગંગે ચ યમુને ચૈવ ગોદાવરી સરસ્વતી, નર્મદે સિંધુ કાવેરી જલેસ્મિં સન્નિધિમ કુરુ' મંત્રનો જાપ કરવો જોઈએ. આ એક ખૂબ જ શક્તિશાળી મંત્ર માનવામાં આવે છે. એવું માનવામાં આવે છે કે ગંગામાં ડૂબકી મારતી વખતે આ મંત્રનો જાપ કરવાથી અમૃત પ્રાપ્ત થાય છે.
મહા કુંભ મેળામાં ગંગા સ્નાન કરતા પહેલા શરીરને પાણીથી સાફ કરવું જોઈએ. સાથે જ કુંભ મેળામાં ગંગા સ્નાન કરતી વખતે સાબુનો ઉપયોગ ન કરવો જોઈએ. આમ કરવાથી દોષ થાય છે. મહા કુંભમેળામાં અશુદ્ધ વસ્ત્રો પહેરીને ગંગા સ્નાન ન કરવું જોઈએ. અને ગંગામાં સ્નાન કર્યા પછી ઉતારેલાં કપડાં ગંગામાં ના ધોવા જોઈએ.
મહા કુંભમેળામાં ગંગા સ્નાન કર્યા પછી શરીરને કપડાથી લૂછવું જોઈએ નહીં. ગંગા સ્નાન કર્યા પછી, ગરીબ અને જરૂરિયાતમંદોને દાન કરવું જોઈએ. દાન કરવાથી દેવી-દેવતાઓ અને પિતૃઓની કૃપા પ્રાપ્ત થાય છે. મહા કુંભમેળા દરમિયાન ગંગામાં સ્નાન કર્યા પછી યજ્ઞ અથવા હવન કરવું શુભ માનવામાં આવે છે. ( તમામ તસવીરો સૌજન્ય-PTI)
