Ambani surname history : અનિલ અંબાણીની સરનેમનો ઈતિહાસ અને અર્થ જાણો
કોઈ પણ વ્યક્તિ હોય તેના નામ પાછળ તેની અટક ફરજિયાત લખવામાં આવે છે. આ અટક પરથી વ્યક્તિ ક્યાં પરિવાર કે સમુદાયમાંથી આવે છે તે દર્શાવે છે. પરંતુ મોટાભાગના લોકોને અટકના નામ પાછળનો ઈતિહાસની જાણ હોતી નથી.
ધીરજલાલ હીરાચંદ અંબાણીએ અંબાણી સરનેમને વૈશ્વિક ઓળખ અપાવી છે. તેઓ એક સામાન્ય પરિવારના હતા અને તેમણે પોતાના સંઘર્ષ અને વ્યવસાયિક કુશળતા દ્વારા રિલાયન્સ ઇન્ડસ્ટ્રીઝની સ્થાપના કરી હતી.
1950ના દાયકામાં તેમણે યમનમાં પેટ્રોલ પંપ એટેન્ડન્ટ તરીકે કામ કર્યું. ભારત પાછા ફર્યા પછી તેમણે પોલિએસ્ટર અને પેટ્રોકેમિકલ્સનો વ્યવસાય શરૂ કર્યો છે.
તેમની મહેનત અને દૂરંદેશીને કારણે અંબાણીનું નામ ભારતમાં વ્યવસાય અને ઉદ્યોગનો પર્યાય બન્યું છે.
આજે મુકેશ અંબાણી રિલાયન્સ ઇન્ડસ્ટ્રીઝ માટે અને અનિલ અંબાણી માટે રિલાયન્સ ગ્રુપ ના કારણે આ નામ માત્ર ભારતમાં જ નહીં પરંતુ વૈશ્વિક સ્તરે એક બ્રાન્ડ બની ગયું છે.
અંબાણી અટક મૂળ ગુજરાતના મોઢ વણિક સમુદાય સાથે સંકળાયેલી છે. જેમનું મૂળ અંબા માતા પરથી હોવાનું માનવામાં આવે છે.
જોકે આ નામની ખરી ઓળખ ધીરુભાઈ અંબાણી દ્વારા આપવામાં આવી હતી, જેમણે તેને વ્યાપાર જગતમાં એક પ્રતિષ્ઠિત બ્રાન્ડ બનાવ્યું.
અંબાણી સરનેમ ધરાવતા લોકો દેશભરમાં તો વસવાટ કરે છો. પરંતુ સૌથી વધારે અંબાણી સરનેમ ધરાવતા લોકો ગુજરાતના સૌરાષ્ટ્રમાં વસવાટ કરે છે. (નોધ :પબ્લિક ડોમેનમાં ઉપલબ્ધ માહિતી અનુસાર આ સ્ટોરી ફાઈલ કરવામાં આવી છે.)
Published On - 1:56 pm, Wed, 2 April 25
