કિચન લાઇટર વારંવાર ખરાબ થઈ જાય છે ? રિપેર કરવા અપનાવો આ 3 સરળ ટ્રિક્સ
ઘણીવાર રસોડામાં ગેસ લાઇટર વારંવાર ક્લિક કરવા છતાં તણખો (સ્પાર્ક) ન નીકળવાને કારણે ચૂલો સળગતો નથી. લાઇટર ફેંકી દેવાને બદલે માત્ર સફાઈ અને તડકામાં સૂકવવા જેવી 3 સરળ ટિપ્સ અપનાવીને તેને ફરીથી નવું જેવું બનાવી શકાય છે.
મોટાભાગના ઘરોમાં ગેસનો ચૂલો સળગાવવા માટે લાઇટરનો ઉપયોગ કરવામાં આવે છે. માત્ર એક જ ક્લિકમાં તણખો (સ્પાર્ક) નીકળે છે અને ચૂલો સરળતાથી સળગી જાય છે. પરંતુ ઘણીવાર એવું બને છે કે ગમે તેટલી વાર ક્લિક કરીએ છતાં લાઇટરમાંથી તણખો નીકળતો નથી. આવી સ્થિતિમાં ઘણા લોકો લાઇટર ખરાબ સમજીને ફેંકી દે છે અને નવું ખરીદી લે છે. પરંતુ કેટલીક સરળ ટિપ્સ અને ટ્રિક્સ અપનાવીને જૂના લાઇટરને પણ ફરીથી બરાબર કરી શકાય છે.
1. સ્પાર્ક પિનની સફાઈ કરો: ઘણીવાર લાઇટરના આગળના ભાગમાં ગંદકી કે કચરો એટલો જમા થઈ જાય છે કે તે યોગ્ય રીતે કામ કરી શકતું નથી. આવા સમયે લાઇટરના જે ભાગમાંથી તણખો નીકળે છે એટલે કે સ્પાર્ક પિનને સાફ કરો: આ માટે તમે સુતરાઉ કાપડનો ટુકડો અથવા ઈયરબડ (Earbud) નો ઉપયોગ કરી શકો છો. ધ્યાન રાખો કે લાઇટર સાફ કરવા માટે કોઈ અણીદાર કે કઠણ (Hard) વસ્તુનો ઉપયોગ ન કરવો, નહીં તો લાઇટરની પિન સંપૂર્ણપણે તૂટી કે ખરાબ થઈ શકે છે.
2. લાઇટરને તડકામાં સૂકવો: લાઇટર યોગ્ય રીતે સ્પાર્ક ન થવાની સમસ્યા ખાસ કરીને શિયાળાની ઋતુમાં અથવા વાતાવરણમાં ભેજ હોય ત્યારે વધુ જોવા મળે છે: લાઇટરને 2 થી 3 કલાક માટે ખુલ્લા તડકામાં મૂકી દો. તડકાની ગરમીથી લાઇટરની અંદર રહેલો ભેજ સંપૂર્ણપણે સુકાઈ જશે અને તે ફરીથી સામાન્ય રીતે કામ કરવાનું શરૂ કરી દેશે.
3. ટિક-ટિક કે ક્લિકનો અવાજ ન આવે ત્યારે શું કરવું? જો તમારા લાઇટરમાંથી ટિક-ટિક કે ક્લિકનો અવાજ આવવાનું બંધ થઈ જાય, તો તેનું મુખ્ય કારણ રસોઈ બનાવતી વખતે ઉડતી તેલની ચીકાશ, ધૂળ-માટી કે લોટના કણોનું જામી જવું હોઈ શકે છે: આ કણો જામી જવાને કારણે અંદરની સ્પ્રિંગ અને બટન યોગ્ય રીતે પ્રેસ થઈ શકતા નથી. તેથી લાઇટરના ઉપરના હેન્ડલ અને બટનની આસપાસ ટૂથબ્રશ કે કપડાથી યોગ્ય સફાઈ કરો. એ પણ ચકાસી લો કે લાઇટર ક્યાંયથી વળી ગયેલું કે તૂટેલું તો નથી.
ડિસ્ક્લેમર: આ માહિતી ઇન્ટરનેટ અને સોશિયલ મીડિયાના વીડિયો પર આધારિત છે. ઉપયોગ કરતા પહેલા પોતાના વિવેકબુદ્ધિનો ઉપયોગ કરવો.
