અમેરિકામાં જન્મજાત નાગરિકતા નહીં આપવાના ટ્ર્મ્પના આદેશ સામે કોર્ટનો સ્ટે
અમરિકાના રાષ્ટ્રપતિ ડોનાલ્ડ ટ્રમ્પે તેમના બીજા કાર્યકાળના પહેલા જ દિવસે, જન્મજાત નાગરિકત્વને સમાપ્ત કરવાના નિર્ણય પર હસ્તાક્ષર કર્યા. જન્મજાત નાગરિકતા અમેરિકાની ધરતી પર જન્મેલા કોઈપણ વ્યક્તિને અમેરિકાની નાગરિકતા આપે છે. જો કે ડોનાલ્ડ ટ્રમ્પના આ નિર્ણયને કોર્ટમાં પડકારતા, સિએટલના એક જજે ગેરકાયદે ઠરાવીને સ્ટે આપ્યો છે.
જન્મજાત નાગરિકતા એટલે, અમેરિકાની ભૂમિ પર જન્મેલા કોઈપણ વ્યક્તિને અમેરિકાની નાગરિકતા આપે છે, પછી ભલે તેમના માતાપિતાની ઇમિગ્રેશન સ્થિતિ ગમે તે હોય. ઉદાહરણ તરીકે, પ્રવાસી વિઝા પર માતા-પિતા અથવા ગેરકાયદેસર રીતે અમેરિકા દેશમાં રહેતા માતા-પિતાથી જન્મેલા બાળકોને યુએસ નાગરિક ગણવામાં આવી શકે છે.
ટ્રમ્પનો આ આદેશ યુનાઇટેડ સ્ટેટ્સમાં જન્મેલા કોઈપણ બાળક માટે 14મા સુધારાની સ્વચાલિત નાગરિકતાની જોગવાઈને પડકારે છે. ટ્રમ્પનો આદેશ અમલમાં આવ્યા પછી, જે લોકોની માતાઓ ગેરકાયદેસર રીતે અમેરિકામાં હતી અથવા જેમના પિતા અમેરિકાના નાગરિક કે માન્ય કાયમી નિવાસી ના હતા તેમને આપોઆપ નાગરિકતા મળશે નહીં.
ટ્રમ્પના આદેશમાં જણાવાયું છે કે અમેરિકામાં જન્મેલા બાળકને નાગરિકતા મેળવવા માટે, તેના માતાપિતામાંથી ઓછામાં ઓછું એક અમેરિકન નાગરિક હોવા જોઈએ, તેમજ કાયદેસર કાયમી નિવાસી (ગ્રીન કાર્ડ ધારક) અથવા અમેરિકન સૈન્યનો સભ્ય હોવો આવશ્યક છે.
Published On - 2:54 pm, Fri, 24 January 25
