Navsari Richest Person : નવસારીના સૌથી અમીર બિઝનેસમેન, જેને મળ્યું છે ‘અનાવિલ રત્ન’ નું સન્માન, જાણો નામ
નવસારી શહેરમાં અનેક સફળ અને અમીર બિઝનેસમેન રહે છે, જેમણે પોતાની મહેનત અને દૃઢ નિશ્ચય દ્વારા સ્થાનિકથી લઈને રાષ્ટ્રીય સ્તરે નામ બનાવ્યું છે. અહીં નવસારીના અનાવિલ સમાજના રત્ન તરીકે ઓળખાતા આ બિઝનેસમેન વિશે આજે આપણે જાણીશું..
જિગ્નેશ દેસાઈ એ એનજે ગ્રુપ ઓફ કંપનીઝના સહસ્થાપક અને પ્રમોટર છે, જેનું મુખ્ય મથક સુરતમાં આવેલું છે. તેમણે પોતાના અભ્યાસની શરૂઆત સિવિલ ઈજનેરિંગથી કરી હતી અને બાદમાં 1994માં નીરજ ચૌક્સી સાથે મળીને સુરતમાંથી નાણાકીય ઉત્પાદનોના વિતરણના વ્યવસાયની શરૂઆત કરી હતી. આજે એનજે ઇન્ડિયા ઇન્વેસ્ટ પ્રા. લિ. ભારતની સૌથી મોટી નાણાકીય ઉત્પાદનો વિતરણ કંપનીઓમાંની એક છે.
NJ ગ્રુપ હાલમાં ભારતભરના લગભગ 230થી વધુ શહેરોમાં કાર્યરત છે અને 2410થી વધુ કર્મચારીઓ સાથે પોતાની સેવા આપી રહ્યો છે. ગ્રુપના મુખ્ય વ્યવસાય “NJ વેલ્થ” દ્વારા 47,875થી વધુ સક્રિય ડિસ્ટ્રિબ્યુટર્સ જોડાયેલ છે અને 30 જૂન, 2025ના આંકડા મુજબ રૂ. 2,70,322 કરોડથી વધુ AUM હાંસલ કર્યો છે.
NJ વેલ્થ સહિત નાણાકીય સેવાઓ સાથે જોડાયેલ એનજે ગ્રુપની સંયુક્ત નેટ વર્થ 31 માર્ચ, 2023 સુધીમાં રૂ. 1,136 કરોડ જેટલી નોંધાઈ હતી. આ આંકડો એ સાબિત કરે છે કે ગ્રુપે વર્ષોથી નાણાકીય ક્ષેત્રમાં મજબૂત અને ટકાઉ વૃદ્ધિ હાંસલ કરી છે.
જિગ્નેશ દેસાઈએ પોતાની દૃઢ નેતૃત્વ ક્ષમતા દ્વારા કંપનીને અનેક નવી ઊંચાઈઓ સુધી પહોંચાડી છે અને વ્યાપાર ક્ષેત્રે સતત નવા ક્ષેત્રોમાં પ્રવેશ આપ્યો છે. એનજે ગ્રૂપે વર્ષો દરમ્યાન ઇન્શ્યોરન્સ બ્રોકિંગ, એનબીએફસી સેવાઓ, માહિતીપ્રદ ટેક્નોલોજી, રીયલ એસ્ટેટ અને FMCG ક્ષેત્રમાં સફળ રીતે પગપેસારો કર્યો છે. જે તેમની નવીનતા અને ટકાઉ વિકાસ માટેની પ્રતિબદ્ધતાનું પ્રતિબિંબ છે.
જિગ્નેશ દેસાઈ આર્થિક ક્ષેત્રની અનેક સંસ્થાઓ સાથે જોડાયેલા છે. તેઓ ફાઇનાન્શિયલ ઇન્ટરમિડિઅરીઝ એસોસિયેશન ઓફ ઈન્ડિયા (FIAI) ના બોર્ડ ઓફ ડિરેક્ટર્સમાં સેવા આપે છે તેમજ નવસારી મેનેજમેન્ટ એસોસિએશનના પૂર્વ પ્રમુખ રહી ચૂક્યા છે. તેમનું નેતૃત્વ એનજે ગ્રુપને નમ્રતા, વિશ્વાસ અને વ્યૂહાત્મક દૃષ્ટિ પર આધારિત એક મજબૂત કંપની તરીકે ઊભું રાખવામાં મહત્વપૂર્ણ રહ્યું છે.
તેમણે હંમેશા સમાજ પ્રત્યે જવાબદારી દાખવી છે. તેમને બ્રુહદ અનાવિલ સમાજ, નવસારી દ્વારા 'અનાવિલ રત્ન' એવોર્ડથી સન્માનિત કરવામાં આવ્યા છે. તેઓ અનેક સામાજિક સંસ્થાઓ સાથે જોડાયેલા છે જેમ કે એનજે ચેરીટેબલ ટ્રસ્ટ, રોટરી આઈ હોસ્પિટલ (નવસારી), ટ્રાફિક એજ્યુકેશન ટ્રસ્ટ અને બ્રુહદ અનુવિલ સંસ્કાર ટ્રસ્ટ. તેમના પ્રયાસો સમાજમાં ઉન્નતિ, સ્વાસ્થ્ય અને શિક્ષણ માટે સમર્પિત છે. (નોંધ : અહીં આપવામાં આવેલી માહિતી પબ્લિક ડોમેઈનમાં ઉપલબ્ધ માહિતીના આધારે ફક્ત આપની જાણકારી માટે છે.)
Published On - 2:56 pm, Sat, 19 July 25
