માથામાં આવે છે ‘ખંજવાળ’ અને વાળ થાય છે ‘ચીકણા’ ? અપનાવો દાદીના આ 3 દેશી નુસ્ખા, ખોડાથી પણ મળશે ‘રાહત’
બદલાતી ઋતુ અને હવામાનમાં ભેજ વધવાની સાથે જ વાળને લગતી મુશ્કેલીઓ ઝડપથી વધવા લાગે છે. માથામાં અસહ્ય ખંજવાળ, વાળનું સતત ચીકણા થવું અને ખોડો (ડ્રેન્ડ્રફ) જેવી સમસ્યાઓથી આજે મોટાભાગના લોકો પરેશાન છે. આ સમસ્યાઓથી છુટકારો મેળવવા માટે લોકો મોંઘા પ્રોડક્ટ્સ અને હેર ટ્રીટમેન્ટ પાછળ હજારો રૂપિયા ખર્ચી નાખે છે છતાંય યોગ્ય પરિણામ મળતું નથી.
બદલાતી ઋતુ અને ભેજવાળા વાતાવરણના કારણે વાળને લગતી સમસ્યાઓ વધવા લાગે છે. માથામાં ખંજવાળ આવવી, વાળ ચીકણા થવા અને ડેન્ડ્રફ (ખોડો) જેવી મુશ્કેલીઓ લોકોને ખૂબ પરેશાન કરે છે. આવા સમયે ઘણા લોકો મોંઘા હેર કેર પ્રોડક્ટ્સનો ઉપયોગ કરે છે પરંતુ ઘણી વાર તેનાથી પણ મનપસંદ પરિણામ મળતું નથી.
જો તમે પણ આ સમસ્યાઓથી પરેશાન છો, તો તમે દાદી-નાનીના કેટલાક સરળ દેશી નુસ્ખા અપનાવી શકો છો. આ ઘરગથ્થુ ઉપાયો માથાની ખંજવાળ ઓછી કરવાની સાથે-સાથે ડેન્ડ્રફથી છુટકારો અપાવવામાં પણ મદદ કરી શકે છે, જેનાથી વાળ સાફ અને સિલ્કી દેખાય છે.
વાળની ખંજવાળ દૂર કરવા માટે દહીં ખૂબ મદદરૂપ સાબિત થઈ શકે છે. આ માટે તમે દહીંને તમારા વાળની લંબાઈ પર લગાવો અને થોડી વાર માટે લગાવીને રહેવા દો. ત્યારબાદ વાળને સારી રીતે ધોઈ લો.
આનાથી તમારા માથામાં આવતી ખંજવાળ અને ચીકાશ દૂર થઈ જશે. જો કે, જો તમારું સ્કેલ્પ (માથાની ત્વચા) ઓઈલી હોય તો તમે પેચ ટેસ્ટ જરૂર કરી લો. જો કોઈ પણ પ્રકારની બળતરા થાય, તો બિલકુલ ન લગાવો.
દાદી-નાનીના ઘરગથ્થુ નુસ્ખાઓમાં લીમડાના પાનનો ઉપયોગ ખૂબ લાંબા સમયથી થતો આવ્યો છે. આ માટે તમે તાજા લીમડાના પાન લો અને તેને પાણીમાં ઉકાળી લો. હવે આ પાણીને ઠંડુ કરીને ગાળી લો. ત્યારબાદ પાણીથી વાળ અને સ્કેલ્પને સારી રીતે સાફ કરો. એવું માનવામાં આવે છે કે, આવું કરવાથી ખંજવાળ અને ચીકાશથી છુટકારો મળે છે. સાથે જ ડેન્ડ્રફથી પણ રાહત મળે છે.
વાળ અને સ્કેલ્પ માટે મેથીના દાણા પણ અત્યંત ફાયદાકારક માનવામાં આવે છે. આ માટે તમે મેથીના દાણાને એક રાત પાણીમાં પલાળીને રાખો. ત્યારબાદ સવારે પાણી અને પલાળેલા મેથીના દાણાની પેસ્ટ બનાવી લો.
હવે આ પેસ્ટને વાળ અને સ્કેલ્પ પર લગાવીને થોડી વાર માટે રહેવા દો. આ પછી સાફ પાણીથી ધોઈ લો. તેનાથી વાળની ચીકાશ, ડેન્ડ્રફ અને ખંજવાળથી છુટકારો મળે છે. સાથે જ વાળ પણ હેલ્ધી રહે છે.
