ઈશા અંબાણીને મળી મોટી ડિલ, રિલાયન્સ રિટેલની મદદથી ભારત આવશે Timberland
સુપ્રસિદ્ધ અમેરિકન ફૂટવેર બ્રાન્ડ ટિમ્બરલેન્ડ ફરી એકવાર ભારત પરત ફર્યું છે. ઈશા અંબાણીની રિલાયન્સ રિટેલની મદદથી ટિમ્બરલેન્ડે ભારતમાં પુનરાગમન કર્યું છે. Timberland ઉત્પાદનો ભારતમાં ઓનલાઈન ફેશન પ્લેટફોર્મ AJIO પર ઉપલબ્ધ થશે.
મુકેશ અંબાણીની પુત્રી ઈશા અંબાણીને એક મોટી ડીલ મળી છે. ઈશા અંબાણીની ડીલ સાથે, ચામડાના જૂતા બનાવતી કંપની વુડલેન્ડને હવે ભારતમાં મજબૂત સ્પર્ધા મળવાની ધારણા છે.ભારતમાં ચામડાના જૂતાના શોખીન લોકોને વૂડલેન્ડ ઉપરાંત અન્ય મોટી બ્રાન્ડના વિકલ્પો પણ મળશે.
વાત જાણે એમ છે કે, સુપ્રસિદ્ધ અમેરિકન ફૂટવેર બ્રાન્ડ ટિમ્બરલેન્ડ ફરી એકવાર ભારત પરત ફર્યું છે. ઈશા અંબાણીની રિલાયન્સ રિટેલની મદદથી ટિમ્બરલેન્ડે ભારતમાં પુનરાગમન કર્યું છે. Timberland ઉત્પાદનો ભારતમાં ઓનલાઈન ફેશન પ્લેટફોર્મ AJIO પર ઉપલબ્ધ થશે.
સ્થાનિક બજારમાં સખત સ્પર્ધા અને સમાન સ્થાનિક બ્રાન્ડ વૂડલેન્ડ સાથેના કાનૂની વિવાદને કારણે ટિમ્બરલેન્ડને 2015માં ભારતમાં તેના રિટેલ સ્ટોર્સ બંધ કરવા પડ્યા હતા. યુએસ સ્થિત VF કોર્પોરેશનની પેટાકંપની ટિમ્બરલેન્ડ અને વૂડલેન્ડ બૌદ્ધિક સંપદા અંગેના કાનૂની વિવાદમાં ફસાયા હતા. આનું કારણ બંનેના લોગો અને ઉત્પાદનોની સમાનતા હતી.
વુડલેન્ડની મૂળ કંપની, એરો ગ્રુપ, 50 ના દાયકાથી ઉદ્યોગમાં છે. કેનેડામાં સ્થાપિત થયા બાદ વુડલેન્ડે 1992માં ભારતમાં પ્રવેશ કર્યો. તે પહેલા, એરો ગ્રુપ તેના ચામડાના શૂઝ રશિયામાં નિકાસ કરતું હતું.
રિલાયન્સ ઇન્ડસ્ટ્રીઝે જણાવ્યું હતું કે, તે Ajio, H&M, Timberland જેવી કેટલીક નવી બ્રાન્ડની રજૂઆત દ્વારા તેના પોર્ટફોલિયોને મજબૂત બનાવી રહી છે. રિલાયન્સ બ્રાન્ડ્સ, રિલાયન્સ રિટેલની પેટાકંપની, 2009માં ટિમ્બરલેન્ડ સાથે વિતરણ અને લાઇસન્સિંગ કરાર ધરાવે છે. ગયા મહિને રિલાયન્સ રિટેલે તેના પ્લેટફોર્મ પર સ્વીડિશ ફેશન કંપની H&Mના ઉત્પાદનો લોન્ચ કરવાની જાહેરાત કરી હતી.
રિલાયન્સ રિટેલ વેન્ચર્સે સોમવારે તેના ત્રિમાસિક પરિણામો જાહેર કર્યા છે. કંપનીએ જણાવ્યું કે સપ્ટેમ્બર ક્વાર્ટરમાં તેની કંપનીનો ચોખ્ખો નફો 1.3 ટકા વધીને રૂ. 2,836 કરોડ થયો છે. જે એક વર્ષ અગાઉના ગાળામાં રૂ. 2,800 કરોડ હતો. કંપનીની આવક રૂ. 66,502 કરોડ હતી, જે ગયા નાણાકીય વર્ષના સમાન ક્વાર્ટરમાં કંપની દ્વારા પોસ્ટ કરાયેલ રૂ. 68,937 કરોડ કરતાં 3.5 ટકા ઓછી છે.