Stock Market: કંપનીએ 5 વર્ષમાં આપ્યું ‘1140%’ રિટર્ન અને હવે આપશે ‘505%’ નું તગડું ડિવિડન્ડ, તમને લાભ મળશે કે નહી?
એક અગ્રણી PSU કંપનીએ નાણાકીય વર્ષ 2024-25 માટે 505 ટકાનું ડિવિડન્ડ જાહેર કર્યું છે. ડિવિડન્ડની જાહેરાત પછી રોકાણકારોમાં ઉત્સાહ જોવા મળ્યો છે અને છેલ્લા 5 વર્ષમાં શેરે જબરદસ્ત મલ્ટિબેગર રિટર્ન આપ્યું છે.
કંપનીના બોર્ડ ઓફ ડિરેક્ટર્સે 15 મે 2025 ના રોજ યોજાયેલી બેઠકમાં 505 ટકા ડિવિડન્ડની ભલામણ કરી હતી, જે પ્રતિ ઇક્વિટી શેર (રૂ. 2 ના ફેસ વેલ્યુ પર) રૂ. 10.10 ની બરાબર છે. કંપનીએ ફાઇલિંગમાં જણાવ્યું હતું કે, "ડિરેક્ટર્સ બોર્ડે 31 માર્ચ, 2025 ના રોજ પૂરા થયેલા નાણાકીય વર્ષ માટે પ્રતિ શેર 2 ના ફેસ વેલ્યુ પર રૂ. 10.10 ના ડિવિડન્ડની ભલામણ કરી છે." આ ડિવિડન્ડ કંપનીની મજબૂત નાણાકીય સ્થિતિ દર્શાવે છે.
કંપનીની બેઠક 25 સપ્ટેમ્બર 2025 (ગુરુવાર) ના રોજ યોજાવાની છે. આ બેઠકમાં ડિવિડન્ડની જાહેરાતને મંજૂરી આપવામાં આવશે. કંપનીએ તેની ફાઇલિંગમાં પુષ્ટિ આપી છે કે, "25 સપ્ટેમ્બર 2025 ના રોજ યોજાનારી એન્યુઅલ જનરલ મીટિંગમાં ડિવિડન્ડની જાહેરાત બાદ રેકોર્ડ ડેટ પર પાત્ર શેરધારકોને ચુકવણી કરવામાં આવશે."
શુક્રવારે Gujarat Mineral Development Corporation Limited ના શેરમાં જોરદાર તેજી નોંધાઈ હતી. શુક્રવારે શેર 10.79 ટકા વધીને રૂ. 569.85 થયો. છેલ્લા 6 મહિનામાં, આ સ્ટોક 125.28 ટકા ઉછળ્યો છે. છેલ્લા 5 વર્ષમાં આ શેરે 1140.15 ટકાનું મલ્ટિબેગર રિટર્ન આપ્યું છે.
