Richest Railway Station : ભારતનું સૌથી અમીર રેલવે સ્ટેશન, એક વર્ષમાં કરે છે 10,00,00,00,000 રૂપિયાની કમાણી
ભારતનું રેલવે નેટવર્ક ખૂબ વિશાળ છે. ભારતનું સૌથી ધનિક રેલવે સ્ટેશન છે વિશે તમારે જાણવું ખૂબ રસપ્રદ રહેશે. જે દરરોજ લાખો મુસાફરોને સેવા આપે છે. આ સ્ટેશન વાર્ષિક 1000 કરોડ રૂપિયાથી વધુ કમાય છે. સુવિધાઓ, ટ્રેન નેટવર્ક અને કમાણીની દ્રષ્ટિએ તે દેશનું નંબર વન સ્ટેશન માનવામાં આવે છે.
રેલવે મંત્રાલય દ્વારા જાહેર કરાયેલા ડેટા અનુસાર, નવી દિલ્હી રેલવે સ્ટેશને એક વર્ષમાં જ 1000 કરોડ રૂપિયાથી વધુની કમાણી કરી છે. આ આંકડો તેને A1 શ્રેણીના ટોચના સ્ટેશનોમાંનું એક બનાવે છે, જ્યાં સૌથી વધુ આવક થાય છે.
આ સ્ટેશન માત્ર કમાણીમાં જ નહીં પરંતુ સુવિધાઓમાં પણ નંબર વન માનવામાં આવે છે. અહીં મુસાફરો માટે એરપોર્ટ જેવી સુવિધાઓ ઉપલબ્ધ છે, જેમ કે વેઇટિંગ લાઉન્જ, એસ્કેલેટર, ફ્રી વાઇ-ફાઇ, બ્રાન્ડેડ ફૂડ શોપથી લઈને ડિજિટલ ડિસ્પ્લે. હવે તેને ડેવલોપ કરવાનો પણ પ્લાન ખૂબ જોરમાં આગળ વધી રહ્યોં છે.
આ ઉપરાંત, સરકારે આ સ્ટેશનના આધુનિકીકરણ તરફ પણ ઘણા મોટા પગલાં લીધા છે. નવી દિલ્હી રેલવે સ્ટેશનને વિશ્વ કક્ષાનું ટ્રાન્ઝિટ હબ તરીકે વિકસાવવામાં આવી રહ્યું છે. આ માટે હજારો કરોડ રૂપિયાનું રોકાણ કરવામાં આવી રહ્યું છે, જેના કારણે આગામી સમયમાં આ સ્ટેશન વધુ આધુનિક બનશે.
