Breaking News : ભારત સરકાર એલર્ટ, સિંગાપોર અને હોંગકોંગમાં Covid-19 એ મચાવ્યો હાહાકાર, ભારતમાં 257 કેસ
સિંગાપોર અને હોંગકોંગમાં COVID-19 ના કેસોમાં વધારાને ધ્યાનમાં રાખીને, ભારતના આરોગ્ય મંત્રાલયે સમીક્ષા બેઠક યોજી. બેઠકમાં નિષ્કર્ષ કાઢવામાં આવ્યું કે ભારતમાં COVID-19 પરિસ્થિતિ નિયંત્રણમાં છે. જોકે ભારતમાં કોરોનાના કેટલાક એક્ટિવ કેસો પણ છે.
સિંગાપોર અને હોંગકોંગમાં COVID-19ના કેસોમાં થયેલી તાજેતરની વૃદ્ધિને ધ્યાનમાં રાખીને આરોગ્ય અને પરિવાર કલ્યાણ મંત્રાલયે (MoHFW) સોમવારે એક સમીક્ષા બેઠક યોજી હતી. આ બેઠકમાં નેશનલ સેન્ટર ફોર ડિસિઝ કંટ્રોલ (NCDC), ઇમરજન્સી મેડિકલ રિલિફ (EMR) વિભાગ, ડિઝાસ્ટર મેનેજમેન્ટ સેલ, ભારતીય વૈજ્ઞાનિક અનુસંધાન પરિષદ (ICMR) અને કેન્દ્ર સરકારના હોસ્પિટલોના નિષ્ણાતો ઉપસ્થિત રહ્યા હતા.
સૂત્રોના જણાવ્યા અનુસાર, આ બેઠકની અધ્યક્ષતા Director General of Health Services (DGHS) દ્વારા કરવામાં આવી. માહિતી મુજબ, સિંગાપોર અને હોંગકોંગમાં નોંધાયેલા COVID-19ના વધુેરાં કેસો સામાન્ય સ્વરૂપના છે અને તેમાં ગંભીરતા કે મૃત્યુદર ન જોવા મળ્યો.
આ રીતે, સમીક્ષા બેઠકમાં નિષ્ણાતોએ નિષ્કર્ષ આપ્યો કે ભારતમાં હાલની COVID-19ની પરિસ્થિતિ નિયંત્રણ હેઠળ છે.
19 મે, 2025 સુધીના આંકડા મુજબ ભારતમાં કુલ 257 સક્રિય COVID-19 કેસો છે, જે દેશની મોટી વસતીની સામે ખૂબ જ ઓછા ગણાય. આમાંથી લગભગ બધા જ કેસો સામાન્ય પ્રકારના છે અને હોસ્પિટલમાં દાખલ કરવાની જરૂરિયાત નથી.
દેશમાં શ્વસન સંબંધિત વાયરસની બિમારીઓની નજરખેલી માટે મજબૂત વ્યવસ્થા કાર્યરત છે, જેમાં COVID-19 સહિતના રોગો માટે સમન્વિત રોગ સર્વેલન્સ કાર્યક્રમ (IDSP) અને ICMRની સિસ્ટમ કાર્યરત છે.
કેન્દ્ર આરોગ્ય મંત્રાલય પરિસ્થિતિ પર સતત નજર રાખી રહ્યું છે અને જનસ્વાસ્થ્યને સુરક્ષિત રાખવા યોગ્ય પગલાં લેવા માટે સક્રિય છે.
