ગેંગસ્ટર ફિલ્મોથી ચાહકોમાં ધમાલ મચાવનાર રામ ગોપાલ વર્માનો પરિવાર જુઓ
રામ ગોપાલ વર્માએ તેમની આગામી ફિલ્મ માટે "સૈયારા" ફેમ ડિરેક્ટર મોહિત સુરી સાથે હાથ મેળવ્યો છે. તેમણે રવિવારે આ પ્રોજેક્ટ વિશે વિગતો જાહેર કરી હતી.આજે આપણે રામ ગોપાલ વર્માના પરિવાર વિશે વાત કરીએ.
રામ ગોપાલ વર્મા એવા દિગ્દર્શકોમાંના એક છે જેમણે માત્ર બોલિવૂડ જ નહીં પરંતુ સાઉથ ભારતીય સિનેમાને પણ હિટ ફિલ્મો આપી છે, અને ખાસ કરીને તેમની ગેંગસ્ટર ફિલ્મોથી ચાહકોમાં ધૂમ મચાવી છે. આજે રામ ગોપાલ વર્મા વિશે કેટલીક રસપ્રદ વાતો જાણીએ.
રામ ગોપાલ વર્માએ જાહેરાત કરી છે કે, તેઓ મોહિત સુરી સાથે એક ફિલ્મ પર કામ કરી રહ્યા છે. રામ ગોપાલ વર્માએ સ્ક્રિપ્ટ લખી છે અને તેનું સહ-નિર્માણ પણ કરશે. મોહિત દિગ્દર્શન કરશે. આ ફિલ્મ "ધુરંધર" ને પણ ટકકર આપશે.
રામ ગોપાલ વર્માનો પરિવાર જુઓ
પેનમેત્સા રામ ગોપાલ વર્મા જેમને તેમના ટૂંકા નામ 'આરજીવી' (RGV) તરીકે પણ ઓળખાય છે, તેઓ એક ભારતીય ફિલ્મ દિગ્દર્શક, પટકથા લેખક અને નિર્માતા છે.
તેઓ મુખ્યત્વે હિન્દી અને તેલુગુ સિનેમામાં તેમના કામ માટે જાણીતા છે. રામ ગોપાલ વર્માએ વિવિધ શૈલીઓની ફિલ્મોનું દિગ્દર્શન કર્યું છે, જે ભારતીય સિનેમાના અગ્રણીઓમાંના એક ગણાતા વર્મા નવી પ્રતિભાઓને તક આપવા માટે જાણીતા છે, જેઓ પાછળથી ભારતીય ફિલ્મ ઉદ્યોગમાં સફળ થયા છે.
પેનમેત્સા રામ ગોપાલ વર્માનો જન્મ 7 એપ્રિલ 1962ના રોજ હૈદરાબાદમાં કૃષ્ણમ રાજુ વર્મા અને સૂર્યવતીના ઘરે એક તેલુગુ પરિવારમાં થયો હતો. રામ ગોપાલ વર્માનો જન્મ હૈદરાબાદના નામપલ્લી વિસ્તારમાં થયો હતો.
તેમણે સિકંદરાબાદની સેન્ટ મેરીઝ હાઈ સ્કૂલમાં તેમનું શાળાકીય શિક્ષણ પૂર્ણ કર્યું અને હૈદરાબાદના અમીરપેટ સ્થિત ન્યૂ સાયન્સ કોલેજમાં તેમનું ઇન્ટરમીડિયેટ (ઉચ્ચ માધ્યમિક) શિક્ષણ મેળવ્યું.
રામ ગોપાલ વર્માએ વિજયવાડાની વી. આર. સિદ્ધાર્થ એન્જિનિયરિંગ કોલેજમાંથી સિવિલ એન્જિનિયરિંગમાં બેચલર ઓફ એન્જિનિયરિંગની ડિગ્રી મેળવી. કોલેજના દિવસો દરમિયાન, રામ ગોપાલ વર્માને ફિલ્મોમાં ઊંડો રસ જાગ્યો.
તેમણે અનેક મુલાકાતોમાં જણાવ્યું છે કે ,તેઓ ઘણીવાર ફિલ્મો જોવા માટે ક્લાસ છોડી દેતા હતા અને દિગ્દર્શન તથા કેમેરાવર્કનું વિશ્લેષણ કરવા માટે અમુક દ્રશ્યો વારંવાર જોતા હતા. બાદમાં તેમણે આને ફિલ્મ નિર્માણના તેમના શિક્ષણનો એક અનૌપચારિક ભાગ ગણાવ્યો હતો.
ફિલ્મ ઈન્ડસ્ટ્રીમાં પ્રવેશતા પહેલા રામ ગોપાલ વર્મા હૈદરાબાદમાં વિડિયો રેન્ટલ સ્ટોર ચલાવતા હતા.
કઈ ફિલ્મોની કેસેટ સૌથી વધુ ભાડે લેવામાં આવતી હતી તેનું અવલોકન કરીને તેમણે ચાહકોની પસંદગીઓનો અભ્યાસ કર્યો હતો.
રામ ગોપાલ વર્માના મતે, આ સમયગાળાએ તેમને મુખ્ય પ્રવાહની પસંદગીઓ અને ફિલ્મની કથા કહેવાની ટેકનીકો વિશેની સમજ વિકસાવવામાં મદદ કરી હતી.
રામ ગોપાલ વર્માના લગ્ન રત્ના સાથે થયા હતા, જેમની સાથે તેમણે પાછળથી છૂટાછેડા લીધા હતા. તેમને એક પુત્રી છે જે શાસ્ત્રીય નૃત્યાંગના છે.
Published On - 7:08 am, Sat, 19 September 26
