પિતાએ ભારત માટે 55 ટેસ્ટ રમી, દીકરો હંમેશા ચર્ચામાં રહ્યો, જુઓ પૂર્વ ક્રિકેટરનો પરિવાર
સંજય માંજરેકરનો જન્મ મેંગ્લોરમાં થયો હતો. મરાઠી પરિવારમાં જન્મેલા માંજરેકરના પિતા વિજય માંજરેકર પણ એક ક્રિકેટર હતા. વિજય માંજરેકરે ભારત માટે 55 ટેસ્ટ રમી હતી, જેમાં 39ની સરેરાશથી 3,208 રન બનાવ્યા હતા.સંજય માંજરેકરનો પરિવાર જુઓ.
સંજય માંજરેકરે જેટલું નામ ક્રિકેટ રમીને કમાયું છે. તેનાથી વધારે ચર્ચામાં રહ્યા છે. તો આજે આપણે સંજય માંજરેકરના પરિવાર અને પર્સનલ લાઈફ વિશે જાણો
ક્રિકેટ તેમના માટે એક વારસો હતો. તેમના પિતા વિજય માંજરેકર, તે યુગમાં બેટ્સમેન હતા જ્યારે ભારતીય ક્રિકેટ મજબૂત સ્થિતિમાં હતું. માંજરેકર સિનિયરનું અવસાન થયું ત્યારે સંજય માત્ર 18 વર્ષના હતા. તે સમયે તેમણે રણજીમાં ડેબ્યૂ પણ કર્યું ન હતું. જોકે, તેમના પિતાને વિશ્વાસ હતો કે તેમનો પુત્ર એક દિવસ ટીમ ઈન્ડિયા માટે રમશે.
સંજય માંજરેકરના પરિવાર અને પર્સનલ લાઈફ વિશે જાણો
સંજય માંજરેકર ભૂતપૂર્વ ભારતીય ક્રિકેટર અને વર્તમાન ક્રિકેટ કોમેન્ટેટર છે. તેમણે 1987 થી 1996 દરમિયાન ભારત માટે ટેસ્ટ અને વનડે મેચ રમી હતી અને તેઓ તેમના કોમેન્ટરી માટે જાણીતા છે.
સંજય વિજય માંજરેકરનો જન્મ 12 જુલાઈ 1965ના રોજ થયો છે. તે એક ભારતીય ક્રિકેટ કોમેન્ટેટર અને ભૂતપૂર્વ ખેલાડી છે. તેમણે 1987 થી 1996 સુધી જમણા હાથના મધ્યમ ક્રમના બેટ્સમેન તરીકે ભારત માટે આંતરરાષ્ટ્રીય ક્રિકેટ રમ્યો છે.
તેઓ 1990-91 એશિયા કપ અને 1995 એશિયા કપ જીતનારી ભારતીય ટીમનો ભાગ હતા.તેઓ ભૂતપૂર્વ ભારતીય ક્રિકેટર વિજય માંજરેકરના પુત્ર છે. તેમણે ઘણા વર્ષો સુધી ટેકનિકલી રીતે સારા બેટ્સમેન તરીકે ભારત માટે ક્રિકેટ રમ્યું અને બાદમાં કોમેન્ટ્રી અને કોલમ લેખનમાં કારકિર્દી બનાવી.
તે પોતાની કારકિર્દીમાં અપેક્ષા મુજબની ઊંચાઈ સુધી પહોંચી શક્યો નહીં. સંજય માંજરેકરે પોતે પોતાની આત્મકથામાં ખુલાસો કર્યો હતો કે રાહુલ દ્રવિડ અને સૌરવ ગાંગુલી તેની શરૂઆતની કારકિર્દી પાછળના કારણો હતા.
નિવૃત્તિ પછી કોમેન્ટેટર તરીકે પોતાનું સ્થાન બનાવનારા સંજય માંજરેકરે 2018 માં પ્રકાશિત થયેલી તેમની આત્મકથા 'ઇમ્પરફેક્ટ' માં લખ્યું છે કે જ્યારે તેમણે રમતમાંથી નિવૃત્તિ લીધી ત્યારે તે ટીમ માટે એક મહત્વપૂર્ણ બેટ્સમેન હતો અને ચોક્કસપણે ફોર્મમાં નહોતો,
પરંતુ સૌરવ ગાંગુલી અને રાહુલ દ્રવિડના પ્રદર્શન જોયા પછી, તેમને સમજાયું કે તેમનો 'સમય પૂરો થઈ ગયો છે'.
માંજરેકરે લખ્યું કે 1996ના ઈંગ્લેન્ડ પ્રવાસ દરમિયાન લોકો દ્રવિડ પાસેથી સારું પ્રદર્શન કરવાની અપેક્ષા રાખતા હતા, પરંતુ સૌરવ ગાંગુલી બધાને આશ્ચર્યચકિત કરી રહ્યા હતા.
માંજરેકરની કારકિર્દીની સરેરાશ ભલે પ્રભાવશાળી ન હોય, પરંતુ કોઈ પણ ભારતીય બેટ્સમેનની પાકિસ્તાનમાં પાકિસ્તાન સામે ટેસ્ટ સરેરાશ કરતાં વધુ નથી. તેમણે પાકિસ્તાનમાં ચાર ટેસ્ટ મેચ રમી અને 569 રન બનાવ્યા.
માંજરેકરમાં બીજી એક અનોખી ખાસ વાત હતી. તેણે પોતાની કારકિર્દીમાં ચાર ટેસ્ટ સદી ફટકારી, ચારેય વિદેશી પ્રવાસો પર.
તેણે 37 ટેસ્ટ મેચ રમી, જેમાંથી 27 વિદેશી પ્રવાસો પર હતી. માંજરેકરે તેની કારકિર્દીમાં 2043 રન બનાવ્યા, જેમાંથી 1611 વિદેશી ધરતી પર હતા.
