સ્કિલ ઈન્ડિયા ડિજિટલ હબ (SIDDH) પોર્ટલ પર સ્પર્ધા માટે લગભગ 2.5 લાખ ઉમેદવારોએ નોંધણી કરાવી હતી. જેમાંથી 26,000 હજારને પ્રી-સ્ક્રિનિંગની પ્રક્રિયા દ્વારા શોર્ટલિસ્ટ કરવામાં આવ્યા હતા. આ ડેટા રાજ્ય અને જિલ્લા સ્તરની સ્પર્ધાઓ યોજવા માટે રાજ્યો સાથે શેર કરવામાં આવ્યો હતો, જેમાંથી 900 થી વધુ વિદ્યાર્થીઓને ઈન્ડિયા સ્કિલ નેશનલ કોમ્પિટિશન માટે શોર્ટલિસ્ટ કરવામાં આવ્યા હતા. આ વર્ષે, ઈન્ડિયા સ્કિલ્સ કોમ્પિટીશનને ટોયોટા કિર્લોસ્કર, ઑટોડેસ્ક, જેકે સિમેન્ટ, મારુતિ સુઝુકી, લિંકન ઇલેક્ટ્રિક, નમટેક, વેગા, લોરિયલ, સ્નેઇડર ઇલેક્ટ્રિક, ફેસ્ટો ઇન્ડિયા, આર્ટેમિસ, મેદાંતા અને સિગ્નિયા હેલ્થકેર જેવા 400 થી વધુ ઉદ્યોગો અને શૈક્ષણિક ભાગીદારો દ્વારા સમર્થન આપવામાં આવ્યું છે.