જસપ્રીત બુમરાહને તેનો હક મળ્યો, ICCએ આપવું જ પડ્યું આ ખાસ સન્માન
ટીમ ઈન્ડિયાના ફાસ્ટ બોલર જસપ્રીત બુમરાહે ઓસ્ટ્રેલિયા સામેની ટેસ્ટ સિરીઝમાં શાનદાર પ્રદર્શન કર્યું હતું અને હવે તેને તેનું ઈનામ મળ્યું છે. ICCએ જસપ્રીત બુમરાહને ડિસેમ્બર માટે પ્લેયર ઓફ ધ મન્થ તરીકે પસંદ કર્યો છે.
ટીમ ઈન્ડિયાના ફાસ્ટ બોલર જસપ્રીત બુમરાહે ઓસ્ટ્રેલિયા સામેની ટેસ્ટ સિરીઝમાં શાનદાર પ્રદર્શન કર્યું હતું અને હવે તેને તેનું ઈનામ મળ્યું છે. ICCએ બુમરાહને ડિસેમ્બર માટે પ્લેયર ઓફ ધ મન્થ તરીકે પસંદ કર્યો છે.
ઓસ્ટ્રેલિયા સામેની ટેસ્ટ શ્રેણીમાં જસપ્રીત બુમરાહ પ્લેયર ઓફ ધ સિરીઝ રહ્યો હતો અને તેણે સૌથી વધુ 32 વિકેટ લીધી હતી. જસપ્રીત બુમરાહે પેટ કમિન્સ અને ડેન પેટરસનને હરાવીને આ એવોર્ડ જીત્યો હતો. જસપ્રીત બુમરાહે ઓસ્ટ્રેલિયા પ્રવાસમાં કુલ 32 વિકેટ ઝડપી હતી. ડિસેમ્બર મહિનામાં તેણે 4 ટેસ્ટમાં કુલ 22 વિકેટ ઝડપી હતી.
જસપ્રીત બુમરાહે પણ જૂન 2024માં પોતાની સફળતાનો ઝંડો લહેરાવ્યો હતો. બુમરાહે જૂન 2024માં પ્રથમ પ્લેયર ઓફ ધ મંથનો એવોર્ડ જીત્યો હતો. બુમરાહ વિશ્વનો એકમાત્ર એવો બોલર છે જેણે વર્ષ 2024માં બે વાર પ્લેયર ઓફ ધ મંથ જીત્યો હતો.
ટીમ ઈન્ડિયાની વાત કરીએ તો 2024માં ફક્ત બે ભારતીય ખેલાડીઓ પ્લેયર ઓફ ધ મંથ જીત્યા હતા. બુમરાહ ઉપરાંત યશસ્વી જયસ્વાલે આ સિદ્ધિ મેળવી હતી. તે ફેબ્રુઆરી મહિનામાં પ્લેયર ઓફ ધ મન્થ બન્યો હતો.
જસપ્રીત બુમરાહ એક વર્ષમાં બે વખત પ્લેયર ઓફ ધ મંથનો એવોર્ડ જીતનાર વિશ્વનો પ્રથમ બોલર છે. આ એવોર્ડ 2021માં શરૂ કરવામાં આવ્યો હતો અને ત્યારથી માત્ર બુમરાહે આ સિદ્ધિ મેળવી છે. (All Photo Credit : PTI)