WhatsAppમાં ઓટોમેટિક ડાઉનલોડ થતા ફોટા અને વીડિયોને અટકાવવા શું કરવું? જાણો ટ્રિક
WhatsApp પર તમામ ચેટ અને ગ્રૂપ માં પણ આવતા વીડિયો અને ફોટો ઓટોમેટિક ડાઉનલોડ થતા અટકાવવા માંગતા હો, તો તમે બસ આટલું કરી લો.
મેટા કંપનીનું પ્રખ્યાત સોશિયલ મીડિયા પ્લેટફોર્મ WhatsApp એ ખૂબ જ લોકપ્રિય મેસેજિંગ એપ્લિકેશન છે. વોટ્સએપ યુઝર્સને સતત નવા ફીચર્સ આપે છે. પ્લેટફોર્મ પર આવી ઘણી સુવિધાઓ ઉપલબ્ધ છે, જે વપરાશકર્તાઓ માટે ખૂબ જ ઉપયોગી છે. આમાં મીડિયા ફાઇલોનું ઓટોમેટિક ડાઉનલોડિંગ પણ શામેલ છે. આમાં ફોટા, વીડિયો અને ડોક્યુમેન્ટ્સને ફોનની ગેલેરીમાં સરળતાથી અપલોડ કરી શકાય છે. પરંતુ આને કારણે, બિનજરૂરી ફાઇલો પણ ફોન સ્ટોરેજ વધારે છે.
વૉટ્સએપ પર આવતા બિનજરૂરી વીડિયો અને ફોટોને ડાઉનલોડ થતી અટકાવી શકાય છે. આવી સ્થિતિમાં ફોનનો સ્ટોરેજ ઝડપથી ભરાવાથી બચી જશે. જો તમે WhatsApp પર તમામ ચેટ અને ગ્રૂપ માં પણ આવતા વીડિયો અને ફોટો ઓટોમેટિક ડાઉનલોડ થતા અટકાવવા માંગતા હો, તો તમે બસ આટલું કરી લો.
સૌ પ્રથમ WhatsApp ખોલો.આ પછી ઉપર જમણી બાજુએ આપેલા ત્રણ ડોટ પર ક્લિક કરો. પછી સેટિંગ ઓપ્શન પર ક્લિક કરો. આ પછી ચેટ્સ ઓપ્શન પર ક્લિક કરો. આ પછી તમને Media Visibility ઓપ્શનને ઓફ કરી દો. આ સેટિંગ કર્યા પછી તમારા ફોનમાં કોઈ પણ વીડિયો કે ફોટા ઓટોમેટિક ડાઉનલોડ નહીં થાય
કોઈ વ્યક્તિ કે ગ્રુપ માટે : જો તમે WhatsApp પર કોઈ ચોક્કસ વ્યક્તિ અથવા ગ્રુપમાં ડાઉનલોડ થતા વીડિયો અને ફોટોને અટકાવવા માગો છો, તો તમે તેના માટે સેટિંગ્સને કસ્ટમાઇઝ કરી શકો છો.
સૌ પ્રથમ, જે તે ગ્રુપ ને WhatsAppમાં ખોલો. આ પછી ઉપર જમણી બાજુએ આપેલા ત્રણ ડોટ પર ક્લિક કરો. ત્યારબાદ View Contact અથવા Group Info ના વિકલ્પ પર ક્લિક કરો. અહીં પણ તમને Media Visibility દેખાશે તેના પર ક્લિક કરો અને નો વિકલ્પ પસંદ કરો, પછી ઓકે પર ક્લિક કરો.
આ સેટિંગ કર્યા પછી, કોઈ ચોક્કસ વ્યક્તિ અથવા ગ્રુપમાંથી આવતા વીડિયો અને ફોટો આપમેળે ડાઉનલોડ થતા અટકી જશે.
Published On - 10:38 am, Thu, 29 August 24