AC maintenance Tips : વરસાદની મોસમમાં એર કંડિશનરને રાખો મેન્ટેઈન, આ ટિપ્સ ફોલો કરવાથી ACને નહીં થાય નુકસાન
AC maintenance tips : જો તમને AC માં કોઈ અસામાન્ય અવાજ અથવા કામગીરીનો અભાવ દેખાય તો તરત જ કોઈ પ્રોફેશનલનો સંપર્ક કરો અને સમસ્યાનું નિદાન કરો. આ જાળવણી ટીપ્સને ફોલો કરીને તમે વરસાદની મોસમમાં તમારા એર કંડિશનરને સારું બનાવી શકો છો.
સમગ્ર દેશમાં ચોમાસું પહોંચી ગયું છે. તેમ છતાં દેશના ઘણા રાજ્યો એવા છે જ્યાં લોકોને હજુ સુધી વરસાદથી રાહત મળી નથી. જેના કારણે લોકોને એર કંડિશનર દ્વારા ગરમીથી રાહત મળી રહી છે. જો તમે પણ ઉનાળાની ઋતુમાં એર કંડિશનર ચલાવતા હોવ તો તમારે અહીં જણાવેલી ટિપ્સ જાણવી જ જોઈએ.
વરસાદની મોસમમાં બેક્ટેરિયા અને જંતુઓ ઝડપથી વૃદ્ધિ કરે છે. જેના કારણે એર કંડિશનર વાપરકતા લોકોને ઘણી મુશ્કેલીનો સામનો કરવો પડે છે. તેથી અમે તમારા માટે વરસાદની મોસમમાં એર કંડિશનરનો ઉપયોગ કરવાની ટિપ્સ લાવ્યા છીએ. અમે વરસાદની ઋતુમાં એસીનો ઉપયોગ કરતી વખતે થતી સમસ્યાઓ વિશે પણ માહિતી લાવ્યા છીએ.
AC યુનિટને કવર કરો : આઉટડોર AC યુનિટને વોટરપ્રૂફ કવરથી ઢાંકો કરો. આ પાણી અને ભેજને પ્રવેશતા અટકાવશે અને AC સુરક્ષિત રહેશે. આ સાથે ખાતરી કરો કે ACની ડ્રેનેજ પાઈપ સ્વચ્છ રહે અને તેમાં કોઈ અવરોધ નથી. પાણીનો યોગ્ય રીતે નિકાલ કરવો મહત્વપૂર્ણ છે, જેથી ACની અંદર પાણી એકઠું ન થાય.
AC રૂટિન સર્વિસિંગ : વરસાદની ઋતુ પહેલા અને પછી ACની રૂટિન સર્વિસિંગ કરાવો. આનાથી તમને ખબર પડશે કે બધા ભાગો યોગ્ય રીતે કામ કરી રહ્યા છે કે નહીં અને કોઈપણ સમસ્યાઓ સમયસર શોધી શકાય છે. વરસાદમાં ભેજ વધે છે, જેના કારણે શોર્ટ સર્કિટનું જોખમ રહે છે. AC ના ઇલેક્ટ્રિકલ કનેક્શન્સ તપાસો અને ખાતરી કરો કે તે સુકા અને સુરક્ષિત હોય.
AC ફિલ્ટર્સ સાફ કરો : નિયમિત સમયાંતરે AC ફિલ્ટરને સાફ કરો અથવા બદલતા રહો. ગંદા ફિલ્ટર હવાના પ્રવાહને અવરોધે છે અને ACની કાર્યક્ષમતાને અસર કરે છે. ACના બાષ્પીભવન કોઇલ પર ગંદકી જમા થાય છે, જે ઠંડકની અસરને ઘટાડે છે. કોઇલ સાફ કરવી પણ જરૂરી છે.