ચોમાસામાં લાઈટના કીડાઓથી પરેશાન છો? રાત્રે લાઈટ ચાલુ કરતાં જ રૂમમાં ભરાઈ જાય છે જીવડા? અપનાવો આ ધાંસુ ટ્રિક
ચોમાસાની ઋતુમાં ઉડતા કીડાઓ અને મચ્છરોથી આખું ઘર પરેશાન થઈ ગયું છે? રસોડામાં કે બેડરૂમમાં લાઈટ ચાલુ રાખવી મુશ્કેલ બની ગઈ છે? તો કેમિકલવાળી પ્રોડક્ટ્સ પાછળ પૈસા બગાડવાનું બંધ કરો. આ ખાસ રિપોર્ટમાં જાણો એવા 5 આસાન અને દેશી જુગાડ, જેનાથી એક પણ કીડો તમારા ઘરની આસપાસ નહીં ભટકે!
ઉનાળાના અંતમાં અને ચોમાસાની શરૂઆતમાં અંધારું થતાં જ ઘરોમાં ઉડતા ઝીણા કીડાઓ અને જીવાતનો ત્રાસ અચાનક વધી જાય છે.
જેવી રૂમની લાઈટ ઓન થાય છે, કે તરત જ બારી, દરવાજા અને ખાસ કરીને બલ્બની આસપાસ આ જીવજંતુઓ લશ્કર લઈને મંડરાવા લાગે છે.
આ કીડા માત્ર હેરાન જ નથી કરતા, પરંતુ ઘણીવાર રાંધેલા ખોરાક કે પીવાના પાણીમાં પડીને ગંદકી ફેલાવે છે અને બીમારીનું જોખમ વધારે છે.
મોટાભાગના ઉડતા કીડા રાત્રે દિશા ઓળખવા માટે ચંદ્ર કે કુદરતી પ્રકાશનો સહારો લે છે. ઘરમાં ચાલુ થતી તેજ લાઈટોને તેઓ કુદરતી પ્રકાશ સમજી તેની તરફ દોડી આવે છે.
સફેદ LED બલ્બ કે ટ્યુબલાઈટના તેજ પ્રકાશથી કીડા સૌથી વધુ આકર્ષાય છે. તેથી ઘરમાં આવી લાઈટો હોય ત્યાં જીવાત વધુ જોવા મળે છે.
જો તમારા ઘરમાં કીડા બહુ આવતા હોય, તો સફેદ લાઈટ હટાવીને 'વોર્મ વ્હાઇટ ' કે પીળી લાઈટ લગાવો. આ કલર તરફ કીડા બહુ આકર્ષાતા નથી.
જીવજંતુઓને ઘરમાં પ્રવેશતા રોકવાનો સૌથી બેસ્ટ અને કાયમી રસ્તો એ છે કે ઘરની બારીઓ અને વેન્ટિલેશન પર બારીક જાળી (Mosquito Net) ફિટ કરાવો.
એક સ્માર્ટ ટ્રિક એ છે કે ઘરની અંદરની લાઈટ ચાલુ કરતાં પહેલાં, ઘરની બહાર કે બાલ્કનીની લાઈટ ચાલુ કરી દો, જેથી કીડા બહાર જ રોકાઈ જશે.
કીડા હંમેશા ભેજવાળી જગ્યા અને કચરામાં જન્મે છે. તેથી ઘરની આસપાસ પાણી જમા ન થવા દો અને ડસ્ટબિન હંમેશા સાફ રાખો.
લેમનગ્રાસ, સિટ્રોનેલા અને ફુદીના (Mint) જેવા તીવ્ર સુગંધવાળા ઓઈલનો રૂમ ડિફ્યુઝર કે સ્પ્રે તરીકે ઉપયોગ કરવાથી કીડાઓ આપોઆપ રૂમથી દૂર ભાગે છે.
