Gas Burner Cleaning Tips: ગેસ બર્નરની ધીમી જ્યોતથી પરેશાન છો બેકિંગ સોડા અને સોયની મદદથી આ રીતે કરો ઘરે જ સફાઈ
જો તમારા ગેસ બર્નરની જ્યોત ધીમી થઈ ગઈ હોય કે વાસણો કાળા થતા હોય તો તેનું કારણ બર્નરના કાણાંમાં જામ થયેલી ગંદકી હોઈ શકે છે રસોડામાં રાખેલી વસ્તુઓથી બર્નરને મિનિટોમાં નવા જેવું ચમકાવવાની રીત જાણો,
જો ગેસ બર્નરની જ્યોત પહેલા જેવી તેજ ન રહી હોય નીલી જ્યોતની જગ્યાએ પીળી આગ નીકળતી હોય અથવા રસોઈ બનાવવામાં પહેલા કરતાં વધુ સમય લાગતો હોય તો તેનું કારણ બર્નરના નાના નાના કાણાં બંધ થવું હોઈ શકે છે સમય જતાં તેમાં તેલ મસાલા અને બળેલી ગંદકી જમા થઈ જાય છે જેનાથી ગેસનો ફ્લો પ્રભાવિત થાય છે સારી વાત એ છે કે કેટલીક સરળ રીતો દ્વારા ઘરે જ તેને સાફ કરી શકાય છે.
ઘરે કેવી રીતે સાફ કરવું બર્નર: સૌ પ્રથમ ગેસનું રેગ્યુલેટર બંધ કરો અને બર્નરને સંપૂર્ણપણે ઠંડુ થવા દો ગરમ બર્નરને ક્યારેય સાફ કરવાનો પ્રયાસ કરશો નહીં, ત્યારબાદ ગેસ સ્ટવ પરથી ગ્રીલ બર્નર કેપ અને બર્નર હેડને સાવધાનીપૂર્વક નીકાળી લો જેથી દરેક ભાગની સારી રીતે સફાઈ થઈ શકે. હવે એક વાસણમાં નવશેકું ગરમ પાણી લો અને તેમાં થોડું લિક્વિડ ડિશવોશ કે સાબુ ઉમેરીને બર્નરના ભાગોને 20 થી 30 મિનિટ સુધી પલાળી રાખો આનાથી જામ થયેલી ચીકાશ અને ગંદકી નરમ થઈ જશે જેથી સફાઈ કરવી સરળ બનશે.
જીદ્દી ડાઘ કેવી રીતે દૂર કરવા: પલાળ્યા બાદ કોઈ જૂના ટૂથબ્રશ કે નરમ બ્રશની મદદથી બર્નરને હળવા હાથે સાફ કરો, જો જીદ્દી ડાઘ રહી જાય તો બેકિંગ સોડામાં થોડું પાણી અથવા વિનેગર (સરકો) મિક્સ કરીને પેસ્ટ તૈયાર કરો અને તેને ડાઘ વાળી જગ્યા પર લગાવીને થોડી મિનિટો બાદ બ્રશથી ઘસી લો આનાથી ગંદકી સરળતાથી નીકળવા લાગશે બર્નરના નાના નાના કાણાં સાફ કરવા સૌથી મહત્વપૂર્ણ છે. આ જ કાણાંમાંથી ગેસ બહાર નીકળે છે તેને સાફ કરવા માટે સેફ્ટી પિન અથવા પાતળા ધાતુના તારનો ઉપયોગ કરો અને દરેક કાણાંમાં ધીમે ધીમે નાખીને જામ થયેલી ગંદકી બહાર કાઢો ધ્યાન રાખો કે કાણાંને મોટા કરવાનો પ્રયાસ ન કરવો કારણ કે તેનાથી ગેસની ફ્લેમ બગડી શકે છે.
સારી રીતે લૂછીને સંપૂર્ણપણે સુકાવા દો: ત્યારબાદ તમામ ભાગોને સ્વચ્છ પાણીથી ધોઈ લો અને સૂકા કપડાથી સારી રીતે લૂછીને સંપૂર્ણપણે સુકાવા દો ભીના બર્નરને ફરીથી લગાવવાથી ગેસ સળગાવવામાં મુશ્કેલી પડી શકે છે, જ્યારે તમામ ભાગો સંપૂર્ણપણે સુકાઈ જાય ત્યારે તેમને સાચી જગ્યાએ લગાવો અને ગેસ ચાલુ કરીને ફ્લેમ ચેક કરો જો જ્યોત નીલી અને સરખી રીતે નીકળી રહી હોય તો સમજી લો કે સફાઈ યોગ્ય રીતે થઈ છે, બર્નરની સારી પરફોર્મન્સ જાળવી રાખવા માટે રોજ રસોઈ બનાવ્યા બાદ ગેસ સ્ટવને લૂછવાની આદત પાડો અઠવાડિયામાં એકવાર હળવી સફાઈ અને મહિનામાં એકવાર બર્નરની સંપૂર્ણ સફાઈ કરવાથી ગેસનો વપરાશ પણ ઓછો થાય છે અને રસોઈ ઝડપથી પાકે છે
આ ભૂલો કરવાથી બચવું જોઈએ: સફાઈ દરમિયાન કેટલીક ભૂલો કરવાથી બચવું પણ જરૂરી છે ગરમ બર્નરને ક્યારેય ન ધોવું તીક્ષ્ણ ધાર વાળા ચપ્પુ કે અણીદાર વસ્તુથી કાણાંને ન ખોતરવા સ્ટીલ વૂલ જેવા કડક સ્ક્રબરનો ઉપયોગ ન કરવો અને ભીના બર્નરને ફરીથી સ્ટવ પર ન લગાવવું.
