દવાઓ છોડો… પેટના ગેસ અને ભારેપણાને દૂર કરવા માટે આ ‘5 નુસખા’ અજમાવો, મિનિટોમાં ફરક દેખાશે
સવારના સમયે પેટમાં ભારેપણું અથવા ગેસની સમસ્યા એ તમારા મૂડની સાથે સાથે આખા દિવસની કાર્યક્ષમતાને પણ પ્રભાવિત કરે છે. જો તમે પણ આ "મોર્નિંગ બ્લોટિંગ" (Morning Bloating) થી પરેશાન છો, તો રસોડામાં હાજર આ વસ્તુઓ તમને તાત્કાલિક રાહત અપાવી શકે છે.
સવારના સમયે ગેસ થવો એ એક સામાન્ય બાબત છે. ઘણા લોકો આ સમસ્યાથી પરેશાન રહેતા હોય છે. પેટમાં ગેસ થવાને કારણે સતત ભારેપણું અનુભવાય છે, જેના લીધે આખો દિવસ બગડી શકે છે.
આવી સ્થિતિમાં, ગેસથી છુટકારો મેળવવા માટે લોકો દવાઓનો સહારો લે છે પરંતુ દરરોજ દવાઓ લેવાથી આપણા લિવર અને કિડની પર ખરાબ અસર પડે છે. આથી, રસોડામાં રાખેલી કેટલીક વસ્તુઓની મદદથી તમે ગેસની સમસ્યાથી રાહત મેળવી શકો છો.
હૂંફાળું પાણી અને લીંબુ: સવારે ખાલી પેટે એક ગ્લાસ હૂંફાળું પાણી પીવું એ પાચનતંત્ર માટે 'વેક-અપ કોલ' સમાન છે. તેમાં અડધું લીંબુ નીચોવીને પીવાથી શરીરના ઝેરી તત્વો (ટૉક્સિન્સ) બહાર નીકળી જાય છે અને એસિડિટી ઓછી થાય છે.
આદુની ચા અથવા તેનો ટુકડો: આદુમાં જિંજરોલ (Gingerol) હોય છે, જે પાચન પ્રક્રિયાને ઝડપી બનાવે છે. આ માટે આદુનો એક નાનો ટુકડો ચાવો અથવા તેને પાણીમાં ઉકાળીને આદુવાળી ચા પીવો. આ પેટના સ્નાયુઓને આરામ આપે છે.
અજમો અને સંચળ (કાળું મીઠું): ગેસ માટે આ સૌથી જૂનો અને અસરકારક નુસખો છે. અજમામાં રહેલું 'થાયમોલ' પાચક રસોને સક્રિય કરે છે. આ માટે અડધી ચમચી અજમાને અને એક ચપટી સંચળને હૂંફાળા પાણી સાથે લો.
જીરું પાણી: જીરું લાળ ગ્રંથિઓને ઉત્તેજિત કરે છે અને પાચનમાં સુધારો કરે છે. આ માટે રાત્રે એક ચમચી જીરું પાણીમાં પલાળી રાખો, સવારે તેને ઉકાળીને ગાળી લો અને ચાની જેમ ગરમાગરમ પીવો.
હિંગનું પાણી: જો ગેસના કારણે પેટમાં સખત દુખાવો થતો હોય, તો હિંગ રામબાણ ઈલાજ છે. એક ચપટી હિંગને હૂંફાળા પાણીમાં ભેળવીને પીવો અથવા હિંગની પેસ્ટ બનાવીને નાભિની આસપાસ લગાવો.
