સ્વિમિંગ પુલમાં ગર્લફ્રેન્ડ સાથે રોમેન્ટિક થયો ક્રિકેટર હાર્દિક પંડયા… મહીકાના જન્મદિવસ પર શેર કરી તસવીર
હાર્દિક પંડ્યાની ગર્લફ્રેન્ડ મહિકા શર્માએ 25મો જન્મદિવસ ઉજવ્યો. આ પ્રસંગે હાર્દિકે રોમેન્ટિક તસવીર શેર કરીને શુભેચ્છાઓ પાઠવી, જે વાયરલ થઈ.
Hardik Pandyaની ગર્લફ્રેન્ડ Mahika Sharmaએ આજે પોતાનો 25મો જન્મદિવસ ઉજવ્યો. આ ખાસ પ્રસંગે હાર્દિક પંડ્યાએ સોશિયલ મીડિયા પર એક મીઠી અને રોમેન્ટિક તસવીર શેર કરીને મહિકાને જન્મદિવસની શુભેચ્છા પાઠવી. આ તસવીર શેર થતાં જ સોશિયલ મીડિયા પર ઝડપથી વાયરલ થઈ ગઈ છે.
T20 World Cup 2026 દરમિયાન હાર્દિક પંડ્યાએ તેની ગર્લફ્રેન્ડ માટે આ યાદગાર સરપ્રાઇઝ આપ્યું. મધ્યરાત્રિએ તેણે ઇન્સ્ટાગ્રામ સ્ટોરી પર એક રોમેન્ટિક તસવીર શેર કરી, જેમાં બંને સ્વિમિંગ પૂલમાં જોવા મળે છે. તસવીરમાં હાર્દિક મહિકાને ગળે લગાવતો નજરે પડે છે. તસવીર સાથે તેણે લખ્યું હતું, “Happy Birthday, my princess.”
માહિકા શર્મા T20 વર્લ્ડ કપ 2026 દરમિયાન સ્ટેડિયમમાં હાજર રહીને હાર્દિક પંડ્યાને સતત સ્પોર્ટ આપી રહી છે. તે ટીમ ઇન્ડિયા સાથે પ્રવાસ કરતી પણ જોવા મળી છે. ખાસ કરીને ભારત-પાકિસ્તાન મેચ માટે તે હાર્દિક સાથે શ્રીલંકા ગઈ હતી, જેને લઈને પણ સોશિયલ મીડિયા પર ઘણી ચર્ચા થઈ હતી.
માહિકા શર્મા એક મોડેલ, અભિનેત્રી અને ફિટનેસ કન્ટેન્ટ ક્રિએટર છે. દિલ્હીમાં જન્મેલી માહિકાએ અર્થશાસ્ત્ર અને ફાઇનાન્સમાં ગ્રેજ્યુએશન પૂર્ણ કર્યું છે. છેલ્લા કેટલાક સમયથી તે હાર્દિક પંડ્યા સાથેના સંબંધોને કારણે ચર્ચામાં છે. નોંધનીય છે કે હાર્દિક પંડ્યાએ 2024માં તેની પૂર્વ પત્ની Natasa Stankovic સાથે છૂટાછેડા લીધા હતા, ત્યારબાદ તે માહિકા સાથે જાહેરમાં જોવા મળ્યો હતો.
ક્રિકેટની વાત કરીએ તો હાર્દિક પંડ્યા T20 વર્લ્ડ કપ 2026માં ટીમ ઇન્ડિયા માટે મેચ વિનર સાબિત થઈ રહ્યો છે. તેણે ચાર મેચમાં 87 રન બનાવ્યા છે, જેમાં એક અડધી સદીનો સમાવેશ થાય છે. ઉપરાંત, તેણે પાંચ વિકેટ પણ ઝડપી છે. નામિબિયા સામેના મુકાબલામાં તેના શાનદાર પ્રદર્શન બદલ તેને પ્લેયર ઓફ ધ મેચ જાહેર કરવામાં આવ્યો હતો.
Published On - 3:28 pm, Thu, 19 February 26
