Hair Growth : વાળ ઘૂંટણ સુધી થશે લાંબા, નારિયેળ તેલમાં આ વસ્તુઓ કરો મિક્સ
આજના સમયમાં ઘણા લોકોને વાળ ખરવાની સમસ્યાથી પરેશાન છે. આવી સ્થિતિમાં તેને ઘટાડવા અને વાળને ઘાટા બનાવવા માટે તમે આ વસ્તુઓને નારિયેળના તેલમાં મિક્સ કરીને લગાવી શકો છો. તે તમારા વાળને મજબૂત અને નરમ બનાવવામાં પણ મદદરૂપ સાબિત થઈ શકે છે.
Hair Growth Tips : આજકાલ ઘણા લોકો વાળ ખરવા અને નબળા પડવાથી પરેશાન છે. આ માટે તેઓ હેર કેરનાં વિવિધ ઉત્પાદનો અને ખર્ચાળ ટ્રીટમેન્ટ લે છે પરંતુ તેની કોઈ ખાસ અસર દેખાતી નથી.
પહેલાના સમયમાં આજના જેવી હેર કેર પ્રોડક્ટ્સ અને ટ્રીટમેન્ટ ન હતી. પરંતુ લોકોના વાળ ખૂબ જ મજબૂત હતા. જેનું રહસ્ય ઘરેલું ઉપચાર હતા. તે સમયે લોકો તેમના વાળની સંભાળ રાખવા માટે વિવિધ ઘરેલું ઉપચારનો ઉપયોગ કરતા હતા. જે વાળને મજબૂત કરવામાં અને વાળના વિકાસમાં મદદરૂપ સાબિત થાય છે.
તમે કેમિકલ ઉત્પાદનોને બદલે ઘરે જ આ તેલ બનાવી શકો છો. તમારા વાળને મજબૂત બનાવવાની સાથે તે વાળના વિકાસ અને વાળને નરમ કરવામાં પણ મદદ કરી શકે છે. તમારે ફક્ત આ વસ્તુઓને નારિયેળ તેલમાં મિક્સ કરીને લગાવવાની છે. ડાયટિશિયન મનપ્રીત કાલરાએ ઈન્સ્ટાગ્રામ પર એક વીડિયો શેર કર્યો છે જેમાં તેણે આ તેલ બનાવવાની રીત સમજાવી છે. ચાલો તેના વિશે જાણીએ.
સામગ્રી : એરંડાનું તેલ - 2 ચમચી, નારિયેળ તેલ - 2 ચમચી, મેથીના દાણા - 1 ચમચી, લીમડાના પાંદડા - 5-6
આ રીતે બનાવો તેલ : આ તેલ બનાવવા માટે એક તપેલી લો અને તેમાં નારિયેળ તેલ, મેથીના દાણા અને લીમડાના પાન ઉમેરો. તેને ધીમી આંચ પર 2 મિનિટ સુધી ચડવા દો. પછી તેને એક બાઉલમાં કાઢીને 30 મિનિટ સુધી રાખો. હવે તેને ગાળીને તેમાં એરંડાનું તેલ ઉમેરો. હવે તેને સ્કેલ્પ પર લગાવો અને 1 કલાક માટે છોડી દો અને કેમિકલ ફ્રી શેમ્પૂથી વાળ ધોઈ લો.