Traffic Rules : અમદાવાદ, સુરત સહિત દેશના કોઈ પણ ખૂણે વાહન લઈને નીકળો તો ટ્રાફિક સિગ્નલના આ નિયમો તમને ખબર હોવી જોઈએ, જાણો
ગુજરાત સહિત આખા દેશમાં ટ્રાફિક સિગ્નલના નિયમોનો કડક અમલ થઈ રહ્યો છે. લાલ સિગ્નલ બ્રેક કરવા પર ભારે દંડ, લાઇસન્સ રદ્દ અને જેલની સજા થઈ શકે છે. આ સાથે અન્ય આ નિયમો એન જાણી લો,...
આ ઉપરાંત, ગુજરાતમાં ઘણા અન્ય નિયમો પણ લાગુ પડે છે. જેમ કે હેલ્મેટ વિના બાઇક ચલાવવી, મોબાઇલ ફોન પર વાત કરતી વખતે વાહન ચલાવવું, લાઇસન્સ વિના વાહન ચલાવવું અથવા ત્રણ મુસાફરોને લઈ જવું - આ બધા સજાપાત્ર ગુનાઓ છે. દારૂ પીને વાહન ચલાવવા પર ₹10,000 સુધીનો દંડ અને કેદ થઈ શકે છે.
ગુજરાતમાં 2025 થી ગતિ મર્યાદા અંગે પણ નવા નિયમો અમલમાં આવ્યા છે. હવે કેટલાક શહેરી વિસ્તારોમાં મહત્તમ ગતિ મર્યાદા 30 કિલોમીટર પ્રતિ કલાક નક્કી કરવામાં આવી છે, જ્યારે મુખ્ય રસ્તાઓ પર તે 45 થી 60 કિલોમીટર પ્રતિ કલાક સુધી મર્યાદિત કરવામાં આવી છે. આ ફેરફાર માર્ગ અકસ્માતો ઘટાડવાના ઉદ્દેશ્યથી કરવામાં આવ્યો છે.
ટ્રાફિક નિયમોનું પાલન ફક્ત કાયદાથી બચવા માટે જરૂરી નથી, પરંતુ પોતાના અને બીજાના જીવનનું રક્ષણ કરવા માટે પણ જરૂરી છે. ગુજરાત પોલીસે ચલણ ભરવાની પ્રક્રિયાને પણ સરળ બનાવી છે. હવે લોકો ઈ-ચલણ વેબસાઇટ અથવા 'પરિવહન' પોર્ટલની મુલાકાત લઈને ઓનલાઈન ચૂકવણી કરી શકે છે. આ સાથે, ઓફલાઈન વિકલ્પો પણ ઉપલબ્ધ છે.
ટ્રાફિક નિયમોને ગંભીરતાથી લો, કારણ કે તે માત્ર એક કાનૂની પ્રક્રિયા નથી પણ એક સામાજિક જવાબદારી પણ છે. જ્યારે દરેક નાગરિક ટ્રાફિક નિયમોનું પાલન કરશે, ત્યારે જ રસ્તાઓ સુરક્ષિત બનશે અને અકસ્માતો ઘટશે. (All Image - Canva)
Published On - 5:00 pm, Sun, 3 August 25
