₹1 લાખનું રોકાણ બન્યું ₹ 3.33 લાખ, સોનાની આ ખાસ સરકારી સ્કીમે આપ્યું ‘છપ્પરફાડ રિટર્ન’
જો તમે 5 વર્ષ પહેલાં સોનામાં રોકાણ કર્યું હતું, તો સમજો કે તમારી લોટરી લાગી ગઈ છે. રિઝર્વ બેંક ઓફ ઈન્ડિયા (RBI) એ આ ખાસ સરકારી ગોલ્ડ સ્કીમમાં સમય પહેલાં પૈસા ઉપાડવાનો ભાવ જાહેર કરી દીધો છે. વર્ષ 2021 માં જે લોકોએ આ યોજનામાં ₹1 લાખ રોક્યા હતા, તેમના પૈસા આજે સોનાના ભાવ વધવાના કારણે વધીને સીધા ₹3.33 લાખ થઈ ગયા છે. આ યોજનામાં 232% થી વધુનું બમ્પર રિટર્ન તો મળ્યું જ છે, સાથે દર વર્ષે વ્યાજનો અલગથી લાભ પણ મળ્યો છે.
જો તમે 5 વર્ષ પહેલાં સરકારની સોવરેન ગોલ્ડ બોન્ડ (SGB) સ્કીમમાં પૈસા રોક્યા હતા, તો સમજો કે તમારી લોટરી લાગી ગઈ છે. રિઝર્વ બેંક ઓફ ઈન્ડિયા (RBI) એ SGB 2020-21 Series XII ના પ્રી-મેચ્યોર રિડેમ્પશન એટલે કે સમય કરતાં પહેલાં વટાવવાની કિંમત ₹15,355 પ્રતિ યુનિટ નક્કી કરી દીધી છે. આ બોન્ડ 9 માર્ચ 2021 ના રોજ લોન્ચ થયો હતો. નિયમો અનુસાર, 5 વર્ષ પૂરા થવા પર તેને સમય પહેલાં વેચવાનો વિકલ્પ મળે છે. આ સિવાય જે રોકાણકારોએ વર્ષ 2021 માં આમાં ₹1 લાખ રોક્યા હતા, તેમના પૈસા આજે વધીને ₹3.33 લાખ થઈ ચૂક્યા છે. જોવા જઈએ તો, સીધું 232% થી વધુનું બમ્પર રિટર્ન મળ્યું.
માર્ચ 2021 માં જ્યારે આ સિરીઝ આવી હતી, ત્યારે તેને ઓનલાઈન ખરીદનારાઓને ₹50 ની છૂટ મળી હતી. એવામાં બંને કેટેગરીમાં રોકાણકારોને મોટો નફો મળ્યો છે. માર્ચ 2021 માં રજૂ કરાયેલી સોવરેન ગોલ્ડ બોન્ડ (SGB) સિરીઝે રોકાણકારોને મોટો નાણાકીય ફાયદો આપ્યો છે, જ્યાં માત્ર ₹1 લાખનું રોકાણ વધીને ₹3.33 લાખ થઈ ગયું છે. આ સિરીઝ દરમિયાન ઓનલાઈન ખરીદી કરનારાઓને ₹50 પ્રતિ ગ્રામની છૂટ મળી હતી, જેથી તેમનો ઈશ્યૂ પ્રાઈસ ₹4,612 પ્રતિ ગ્રામ રહ્યો હતો.
9 સપ્ટેમ્બર 2026 ના રોજ ₹15,355 પ્રતિ ગ્રામના રિડેમ્પશન ભાવ સામે રોકાણકારોને પ્રતિ ગ્રામ ₹10,743 નો સીધો નફો થયો છે, જે કુલ 232.94% (3.33 ગણો) રિટર્ન દર્શાવે છે. ઓનલાઈન માધ્યમથી ₹1 લાખમાં ખરીદાયેલું આશરે 21.68 ગ્રામ સોનું આજે ₹3.33 લાખનું થઈ ગયું છે. બીજી તરફ, ₹4,662 પ્રતિ ગ્રામના ભાવે ઓફલાઈન બોન્ડ ખરીદનારા રોકાણકારોના ₹1 લાખની વેલ્યુ પણ વધીને આજે ₹3.29 લાખ થઈ ગઈ છે.
આ ₹3.33 લાખનો આંકડો તો ફક્ત સોનાના ભાવ વધવાનો છે. આ સ્કીમનો અસલી જાદુ એ છે કે, આના પર વ્યાજ પણ અલગથી મળે છે. એસજીબી સ્કીમમાં સરકાર મૂળ રોકાણની રકમ પર વાર્ષિક 2.5% નું ચોક્કસ વ્યાજ આપે છે, જે દર 6 મહિને સીધું બેંક ખાતામાં આવે છે. ટૂંકમાં, 5 વર્ષ સુધી 232% નો નફો તો મળ્યો જ સાથે 5 વર્ષ સુધી દર 6 મહિને વ્યાજનો અલગથી લાભ થયો.
RBI ના જણાવ્યા અનુસાર, રિડેમ્પશન પ્રાઈઝની કિંમત રિડેમ્પશન તારીખથી બરાબર પહેલાના 3 વર્કિંગ ડેઝ (4, 7 અને 8 સપ્ટેમ્બર 2026) દરમિયાન ઈન્ડિયા બુલિયન એન્ડ જ્વેલર્સ એસોસિએશન (IBJA) દ્વારા જાહેર કરાયેલા 999 શુદ્ધતા (24 કેરેટ) વાળા સોનાના ક્લોઝિંગ પ્રાઈઝની સરેરાશના આધારે નક્કી કરવામાં આવી છે.
SGB ની કુલ મુદત 8 વર્ષની હોય છે પરંતુ 5 વર્ષ પૂરા થયા પછી RBI રોકાણકારોને સમય પહેલાં નીકળવાની સુવિધા આપે છે. 9 માર્ચ 2021 ના રોજ અમલ કરાયેલી આ Series XII માટે RBI એ 9 સપ્ટેમ્બર 2026 ના રોજ રિડેમ્પશનની તારીખ નક્કી કરી છે. મહત્વની વાત એ છે કે, આ ₹15,355 નો રેટ માત્ર SGB 2020-21 Series XII માટે છે. જો તમારી પાસે કોઈ અન્ય સિરીઝનો બોન્ડ હોય, તો તેની ઈશ્યૂ ડેટ અને સિરીઝ ચકાસ્યા પછી જ રિડેમ્પશન ક્લેમ કરો.
