Silver Rate : રોકાણકારોને ગજબનું રિટર્ન મળ્યું ! હવે કિલો દીઠ ₹2.22 લાખ તરફ દોડી શકે છે ‘ચાંદી’, બ્રોકરેજના એક ઇશારાથી બજારમાં હલચલ
બ્રોકરેજ હાઉસના એક સંકેત બાદ બજારમાં હલચલ શરૂ થઈ ગઈ છે. બ્રોકરેજના આ ઇશારાને કારણે રોકાણકારોમાં ઉત્સુકતા વધી છે અને કોમોડિટી બજારમાં ચાંદી ફરી ચર્ચાનો કેન્દ્ર બની છે.
રિપોર્ટ મુજબ, ચાંદીની માંગ હવે ફક્ત ઘરેણાં સુધી મર્યાદિત નથી રહી. સોલાર પેનલ, ઇલેક્ટ્રિક વાહનો, ડેટા સેન્ટર, આર્ટિફિશિયલ ઈન્ટેલિજન્સ અને ડિફેન્સ સેક્ટરમાં તેનો ઉપયોગ ઝડપથી વધ્યો છે. અમેરિકાએ ચાંદીને “ક્રિટિકલ મિનરલ”નો દરજ્જો આપ્યો છે, જેનાથી તેનું વ્યૂહાત્મક મહત્વ વધુ વધ્યું છે. આ દરમિયાન, ચીનમાં ચાંદીનો સ્ટોક દાયકાઓના નીચલા સ્તરે પહોંચી ગયો છે, જેના કારણે સપ્લાય પર દબાણ આવી રહ્યું છે.
યસ બેંકનું કહેવું છે કે, ઓક્ટોબરમાં શરૂ થયેલી સપ્લાયની અછત હજુ પણ યથાવત છે. આ જ કારણ છે કે, બજારમાં થોડી વધારાની માંગ પણ ભાવમાં તીવ્ર વધારો કરી રહી છે.
ટેકનિકલ વિશ્લેષણના આધારે રિપોર્ટ માને છે કે, જો વર્તમાન ટ્રેન્ડ ચાલુ રહેશે, તો આંતરરાષ્ટ્રીય બજારમાં ચાંદી $69 પ્રતિ ઔંસ સુધી પહોંચી શકે છે. રૂપિયાની દ્રષ્ટિએ, આ લેવલ આશરે ₹2.22 લાખ પ્રતિ કિલો થાય છે.
Published On - 8:50 pm, Fri, 19 December 25
