Gold Silver Rate : સોના-ચાંદીની કિંમતમાં ગજબનો ઉલટફેર ! ક્યારેક ભાવ ઘટયા તો ક્યારેક વધ્યા, ગયા અઠવાડિયે આ બંને ધાતુએ રોકાણકારોના શ્વાસ અધ્ધર કર્યા
ગયા અઠવાડિયે સોના અને ચાંદીના ભાવે રોકાણકારોને આશ્ચર્યચકિત કર્યા હતા. ક્યારેક ભાવ ઘટતા તો ક્યારેક તેમાં તીવ્ર વધારો થતો, હવે આ વધઘટ શા માટે થઈ અને બંને ધાતુઓની વર્તમાન સ્થિતિ શું છે?
અઠવાડિયાનો સૌથી મોટો ઘટાડો 9 ડિસેમ્બરના રોજ થયો હતો, જ્યારે સોનાના ભાવ લગભગ ₹1,27,400 સુધી ઘટી ગયા હતા. ત્યારબાદ સતત સુધારો જોવા મળ્યો અને અઠવાડિયાના અંત સુધીમાં ભાવમાં વધારો થયો. એકંદરે, અઠવાડિયાના શરૂઆતથી અંત સુધી સોનાના ભાવમાં આશરે ₹5,300 નો વધારો થયો હતો, જે રોકાણકારો માટે એક પોઝિટિવ સંકેત છે.
સરળ રીતે સમજીએ તો, જ્યારે વૈશ્વિક શેરબજાર અસ્થિર હોય છે, ત્યારે રોકાણકારો ઘણીવાર સલામતી માટે સોના તરફ વળે છે, જેથી માંગ અને સોનાના ભાવમાં વધારો થઈ શકે છે. ડોલરની સ્થિતિ અને વ્યાજ દરના સંકેતો પણ સોનાના ભાવને પ્રભાવિત કરે છે.
બીજીબાજુ નબળા ડોલર અને અનિશ્ચિત વ્યાજ દર સોનાને રોકાણ તરીકે વધુ આકર્ષક બનાવે છે. ભારતીય બજારમાં તહેવારો અને માંગનું દબાણ પણ ભાવમાં વધારો કરે છે. માંગ વધવાની સાથે વેપારીઓ પણ ભાવમાં વધારો કરી શકે છે.
ગયા અઠવાડિયા દરમિયાન ચાંદી 999 (1 કિલો) ના ભાવમાં પણ વધઘટ જોવા મળી. 08 ડિસેમ્બરે, ચાંદી સવારે ₹1,79,100 અને સાંજે ₹1,79,088 પર બંધ થઈ. બીજા દિવસે 09 ડિસેમ્બરે, ભાવ ઘટીને સવારે ₹1,77,054 અને સાંજે ઘટીને ₹1,78,893 સુધી પહોંચી ગયો. 10 ડિસેમ્બરે, ચાંદીનો ભાવ સવારે ₹1,86,350 અને સાંજે ₹1,85,488 પર વધી ગયો.
11 ડિસેમ્બરે, ભાવ લગભગ સ્થિર રહ્યો જ્યાં તે સવારે ₹1,92,781 અને સાંજે ₹1,88,281 પર બંધ થયો. 12 ડિસેમ્બરના રોજ ચાંદીનો ભાવ સવારે ₹1,92,781 અને સાંજે ₹1,95,180 રૂપિયા પર પહોંચી ગયો. આખા અઠવાડિયા દરમિયાન, શરૂઆતના દિવસની તુલનામાં ચાંદીમાં લગભગ 16,000 રૂપિયાનો વધારો નોંધાયો હતો.
