Gold Silver Rate : ચાંદીની ચાલ ખોરવાઈ પણ સોનામાં જે પાંચ દિવસનો વધારો હતો તેનું શું? જાણો આજનો ભાવ
સોનામાં સળંગ પાંચ દિવસ તોફાની ઉછાળો જોવા મળ્યો હતો, જ્યારે ચાંદીની ચાલ સમજની બહાર રહી હતી. આજે પણ ચાંદીની સ્થિતિ નબળી રહી હતી પરંતુ સોનાની સ્થિતિ શું છે? સોનું આજે ઓલ ટાઈમ હાઇ હતું કે નહી?
આ ઉપરાંત, રશિયા-યુક્રેન વિવાદને લઈને આ અઠવાડિયે અલાસ્કામાં યુએસ રાષ્ટ્રપતિ ડોનાલ્ડ ટ્રમ્પ અને રશિયન રાષ્ટ્રપતિ વ્લાદિમીર પુતિન વચ્ચેની મુલાકાત બાદ તણાવ ઓછો થયો છે. વ્હાઇટ હાઉસ દ્વારા સોનાની ઇંટો પર 39 ટકા ટેરિફના અહેવાલને 'ખોટી માહિતી' ગણાવ્યા બાદ ભાવ પણ દબાણ હેઠળ રહ્યા.
સોનાની સાથે, ચાંદીના ભાવમાં પણ સોમવારે તીવ્ર ઘટાડો થયો છે. સોમવારે ચાંદીનો ભાવ 1000 રૂપિયા ઘટીને 1,14,000 રૂપિયા પ્રતિ કિલો થયો હતો. શુક્રવારે તે 1,15,000 રૂપિયા પર બંધ થયો હતો. છેલ્લા પાંચ સત્રમાં તેમાં 5500 રૂપિયા પ્રતિ કિલોનો વધારો થયો હતો.
ન્યૂ યોર્કમાં સ્પોટ ગોલ્ડ 40.61 ડોલર અથવા 1.19 ટકા ઘટીને 3.358.17 ડોલર પ્રતિ ઔંસ થયું. MCX પર ઓક્ટોબર ડિલિવરી માટે સોનાનો વાયદો 1280 રૂપિયા અથવા 1.26 ટકા ઘટીને 1,00,518 રૂપિયા પ્રતિ 10 ગ્રામ થયો. સ્પોટ સિલ્વર પણ 1.39 ટકા ઘટીને 37.81 ડોલર પ્રતિ ઔંસ થયું.
એન્જલ વનના પ્રથમેશ માલ્યાના અનુમાન મુજબ, જો ટેરિફ વિવાદ વધશે તો આંતરરાષ્ટ્રીય બજારમાં સોનાનો ભાવ $3,800 પ્રતિ ઔંસ સુધી પહોંચી શકે છે અને MCX પર ત્રણ મહિનામાં પ્રતિ 10 ગ્રામે રૂ. 1,10,000 સુધી પહોંચી શકે છે.
