GM Breweries Share News :આલ્કોહોલ બનાવતી આ કંપની આપશે બોનસ શેર, સ્ટોક પ્રાઇસમાં નોંધાયો 11.5 ટકાનો ઉછાળો
Share News : GM Breweries આજે શેરમાં 11.5% થી વધુનો ઉછાળો જોવા મળ્યો છે. કંપની આ બોનસ શેર માટે 4ઠ્ઠી એપ્રિલ (ગુરુવાર)ના રોજ બોર્ડ મીટિંગ કરશે.
આલ્કોહોલિક બેવરેજ મેન્યુફેક્ચરિંગ કંપની ટૂંક સમયમાં શેરધારકોને બોનસ શેરની ભેટ આપવા જઈ રહી છે. કંપની આ બોનસ શેર માટે 4ઠ્ઠી એપ્રિલ (ગુરુવાર)ના રોજ બોર્ડ મીટિંગ કરશે.
કંપનીએ આજે (1 એપ્રિલ) બોનસ શેર અંગે બોર્ડની પ્રસ્તાવિત બેઠક વિશે માહિતી આપી છે. કંપની દ્વારા આપવામાં આવેલી માહિતી બાદ શેરમાં જોરદાર ઉછાળો જોવા મળી રહ્યો છે.
બોનસ શેર માટે બોર્ડ મીટિંગના સમાચાર પછી, જીએમ બ્રુઅરીઝના શેરમાં 11.5% થી વધુનો વધારો જોવા મળ્યો હતો. જો કે આ ઉછાળા પછી પણ તે 52 વીક હાઇથી દુર છે. તેની 52-સપ્તાહની ઊંચી સપાટી ₹808 પ્રતિ શેર છે.
નાણાકીય વર્ષ 2024 ના ત્રીજા ક્વાર્ટરમાં વાર્ષિક ધોરણે GM બ્રેવરીઝના નફામાં 13% નો ઘટાડો નોંધાયો હતો. ત્રીજા ક્વાર્ટરમાં કંપનીના પરિણામો નબળા રહ્યા હતા. ડિસેમ્બર ક્વાર્ટરમાં કંપનીનો EBITDA 24.3% ઘટીને ₹25.2 કરોડ થયો છે. જ્યારે, માર્જિન 22% ની સામે ઘટીને 16% થઈ ગયું હતું.
જીએમ બ્રુઅરીઝના શેર પ્રદર્શન વિશે વાત કરીએ તો, છેલ્લા એક મહિનામાં તેમાં લગભગ 15% નો વધારો જોવા મળ્યો છે. જોકે 6 મહિનામાં આ સ્ટોકનું પ્રદર્શન લગભગ સપાટ રહ્યું છે. પરંતુ છેલ્લા એક વર્ષ દરમિયાન શેરમાં 27% થી વધુનો વધારો જોવા મળ્યો છે.