સ્વામીનારાયણ મંદિર વડતાલ દ્વારા અયોધ્યામાં ભોજન સેવાનો કરાયો પ્રારંભ- જુઓ Photos
ખેડાના સુપ્રસિદ્ધ વડતાલ સ્વામીનારાયણ મંદિર દ્વારા અયોધ્યામાં આવતા ભાવિકો માટે ખાસ ભોજન સેવાનો પ્રારંભ કરવામાં આવ્યો છે. 15 માર્ચ સુધી વડતાલ મંદિર દ્વારા અયોધ્યામાં ભાવિકોને નિ:શુલ્ક ભોજન પીરસવામાં આવશે.
વડતાલ સ્વામીનારાયણ મંદિર અને સત્તાધાર આપા ગીગા આશ્રમ દ્વારા અયોધ્યામાં ભોજન સેવાનો પ્રારંભ કરાયો છે. 15 ફેબ્રુઆરીથી શરૂ થયેલી આ ભોજન સેવા 15 માર્ચ સુધી શરૂ રહેશે.
અયોધ્યામાં આવતા ભાવિકોને વડતાલ સ્વામીનારાયણ મંદિર દ્વારા નિ:શુલ્ક ભોજન આપવામાં આવી રહ્યુ છે. દરરોજ હજારો ભક્તો સવાર, બપોર અને સાંજે ભોજનનો પ્રસાદ ગ્રહણ કરે છે.
દેવ પ્રકાશ સ્વામી, મુખ્ય કોઠારી ડૉ. સંત સ્વામી અને સત્સંગ મહાસભાના અધ્યક્ષ નૌતમ સ્વામીના હસ્તે ભોજન સેવાનો પ્રારંભ કરવામાં આવ્યો હતો.
વડતાલ મંદિરે ભોજન પ્રસાદી માટે દોઢ મહિના પહેલાથી જ વિશેષ આયોજન કર્યું હતું, સતત 30 દિવસ સુધી 25 લાખથી વધુ ભક્તો નિઃશુલ્ક ભોજન સેવાનો લાભ લેશે તેવુ અનુમાન છે.
ગુજરાતમાં સેવા માટે પ્રસિદ્ધ સ્વામિનારાયણ સંપ્રદાયની વ્યવસ્થા કૌશલ્ય અયોધ્યાના ભંડારામાં દેખાય છે. સંપ્રદાયના સ્વામી પ્રેમસ્વરૂપદાસજી 100થી વધુ સેવકોની ટીમ સાથે વડતાલ વતી રામ સેવકોની સેવામાં રોકાયેલા છે.
ગુજરાતની જાણીતી સંસ્થા આપા ગીગા આશ્રમ સતાધારના મહંત વિજયબાપુની સેવાને બિરદાવવામાં આવી રહી છે. સતાધાર આશ્રમ દ્વારા 5મી માર્ચથી 15મી માર્ચ સુધી અન્નક્ષેત્રનું આયોજન કરવામાં આવનાર છે.