Moong Dal Dhokla Recipe : હાઈ પ્રોટીન યુક્ત મગની દાળના ઢોકળા ઘરે બનાવો, એક વાર ખાશો તો વારંવાર કરશો યાદ
સવારે નાસ્તામાં હેલ્ધી ખાવું ખૂબ જ મહત્વનું છે. કઠોળની વિવિધ પ્રકારની વાનગી બનાવતા હોય છે. ત્યારે મગની દાળના ઢોકળા ઘરે બનાવી શકાય છે. તેની સંપૂર્ણ રેસિપી જણાવીશું.
દરેક લોકોને સવાર-સાંજે નાસ્તામાં સ્વાદિષ્ટ વાનગી ખાવાનું પસંદ હોય છે. ત્યારે મગની દાળના ઢોકળા બનાવી શકો છો. આ ઢોકળા પ્રોટીનથી પણ ભરપૂર હોવાથી હેલ્ધ માટે ફાયદાકારક છે.
મગની દાળના ઢોકળા બનાવવા માટે મગની દાળ, દહીં, આદુ-લીલા મરચાની પેસ્ટ, લીંબુનો રસ, ઈનો અથવા ટાટાના સોડા, મીઠું, હળદર, રાઈ, કઢી પત્તા, તેલ, પાણી સહિતની વસ્તુની જરુર પડશે.
સૌથી પહેલા મગની દાળને 3-4 કલાક પાણીમાં પલાળી રાખો. પછી થોડું પાણી ઉમેરો અને તેને મિક્સરમાં બારીક પીસી લો.
મગની દાળની પેસ્ટ ખૂબ પાતળી ન હોવી જોઈએ. તેનું ખીરું ઈડલી જેવું રાખો. હવે પીસેલી દાળમાં દહીં, આદુ-લીલા મરચાંની પેસ્ટ, લીંબુનો રસ, હળદર અને મીઠું ઉમેરી સારી રીતે મિક્સ કરી લો.
હવે બેટરમાં ઈનો અથવા ખાવાના સોડા ઉમેરી મિક્સ કરી લો.ત્યારબાદ ગ્રીસ કરેલી પ્લેટમાં નાખી 15-20 મિનિટ માટે સ્ટીમ કરો.
ત્યારબાદ એક પેનમાં તેલ ગરમ કરો. તેમાં રાઈ, કઢી પત્તા અને લીલા મરચાં ઉમેરી ઢોકળા ઉમેરી વઘારી લો. આ હાઈ પ્રોટીન ઢોકળાને ફૂદીનાની ચટણી સાથે ગરમાગરમ પીરસો.
