જો ભૂલથી એક્સપાયર થયેલી ટેબ્લેટ કે સિરપ લેવાઈ જાય, તો તુરંત શું કરવું ? જાણો તેના જોખમો અને જરૂરી સાવચેતી
દવા ખરીદતી વખતે તેના પેકેટ પર લખેલી એક્સપાયરી ડેટ તપાસવી ખૂબ જ જરૂરી હોય છે. ઘણીવાર લોકો એકસાથે દવાઓની ખરેદી કરી લે છે. પરંતુ લાંબા સમય સુધી ઘરમાં રાખેલી દવાઓની એક્સપાયરી ડેટ પસાર થઈ જાય તો તેનો ઉપયોગ કરવો જોખમી બની શકે છે.
નિષ્ણાતોના મતે, દવાની અસર અને તેની ગુણવત્તા તેના યોગ્ય સંગ્રહ પર પણ આધારિત હોય છે. એક્સપાયરી ડેટ પસાર થયા પછી દવાની અસરકારકતા ઘટી શકે છે અને તેની સલામતીની ખાતરી આપી શકાતી નથી. (Image Source | iStock)
કેટલાક કિસ્સાઓમાં દવા લીધા પછી ત્વચા પર ખંજવાળ અથવા બળતરા જેવી સમસ્યાઓ થઈ શકે છે. જોકે, આ લક્ષણો દરેક વ્યક્તિમાં જોવા મળે એવું જરૂરી નથી અને તેને માત્ર એક્સપાયર થયેલી દવા સાથે જોડી શકાય નહીં. (Image Source | iStock)
એક્સપાયરી ડેટ પસાર થઈ ગઈ એટલે દવા તરત જ ઝેર બની જાય છે એવું પણ નથી. પરંતુ તેની ગુણવત્તા અને અસરકારકતા અંગે અનિશ્ચિતતા રહે છે. ખાસ કરીને શ્વાસની બીમારી, હૃદયરોગ અથવા અન્ય ગંભીર સ્વાસ્થ્ય સમસ્યાઓ ધરાવતા લોકોએ વધુ સાવચેતી રાખવી જોઈએ. (Image Source | iStock)
જો તમે ભૂલથી એક્સપાયર થયેલી ટેબ્લેટ, સિરપ કે કેપ્સૂલ લઈ લીધી હોય તો ગભરાશો નહીં. લક્ષણો દેખાય તેની રાહ જોયા વિના ડોક્ટર અથવા ફાર્માસિસ્ટની સલાહ લેવી. દવાનું નામ, કેટલી માત્રા લીધી અને કેટલા સમય પહેલાં લીધી તેની માહિતી આપવી જરૂરી હોય છે. (Image Source | iStock)
જો શ્વાસ લેવામાં તકલીફ, ચહેરા કે ગળામાં સોજો, ગંભીર એલર્જી અથવા બેભાન થવા જેવાં લક્ષણો દેખાય તો તાત્કાલિક તબીબી સહાય લેવી જોઈએ. (Image Source | iStock)
દવા ખરીદતી વખતે અને ઉપયોગ કરતાં પહેલાં એક્સપાયરી ડેટ તપાસવી જરૂરી બની જાય છે. દવાઓને પેકેટ પર જણાવેલી સૂચનાઓ મુજબ યોગ્ય તાપમાન અને ભેજથી દૂર રાખવી જોઈએ. (Image Source | iStock)
એક્સપાયર થયેલી દવાઓનો ઉપયોગ કરવો નહીં. સાથે જ તેનો એક્સપાયર થયેલી દવાઓનો સુરક્ષિત રીતે ડિસ્પોઝ કરવું. ડોક્ટરની સલાહ વિના જૂની દવા ફરીથી લેવાનું ટાળવું જોઈએ. યાદ રાખો કે દવાની સલામતી માટે તેની એક્સપાયરી ડેટ, યોગ્ય સંગ્રહ અને ઉપયોગની સૂચનાઓનું પાલન કરવું ખૂબ જરૂરી છે. (Image Source | iStock)
નોંધ : આ લેખમાં આપવામાં આવેલી સ્રોતો પર આધારિત છે અને તેનો હેતુ માત્ર સામાન્ય માહિતી પૂરી પાડવાનો છે. TV9 ગુજરાતી લેખમાં સમાવિષ્ટ માહિતીની પુષ્ટિ કરતું નથી. આ માહિતીને તબીબી સલાહના વિકલ્પ તરીકે ન લેવી. સ્વાસ્થ્ય સંબંધિત કોઈપણ નિર્ણય લેતા પહેલાં યોગ્ય ડોક્ટરની સલાહ લેવી. (Image Source | iStock)
