હવે સીધું મંગળવારે…ખુલશે શેરબજાર, આટલી લાંબી રજાનું કારણ શું? જાણો
Bakrid Stock Market Holiday 2024 : શેર માર્કેટ 15 જૂન (શનિવાર), 16 જૂન (રવિવાર) અને 17 જૂન (સોમવાર)ના રોજ સતત ત્રણ દિવસ બંધ રહેશે. 14 જુનના બિઝનેસમાં નિફ્ટી પર સૌથી વધુ નફો કરનારાઓમાં આઇશર મોટર્સ, એમએન્ડએમ, અદાણી પોર્ટ્સ, શ્રીરામ ફાઇનાન્સ અને ટાઇટન કંપનીનો સમાવેશ થાય છે
ટ્રેડિંગ સપ્તાહના છેલ્લા દિવસે શુક્રવારે (14 જૂન) શેરબજારનું રેકોર્ડ ક્લોઝિંગ જોવા મળ્યું હતું. સેન્સેક્સ અને નિફ્ટી નવી ઊંચાઈએ બંધ થયા છે. નિફ્ટીમાં સતત ત્રીજા દિવસે રેકોર્ડ બંધ રહ્યો હતો. બીએસઈનો 30 શેરનો ઈન્ડેક્સ સેન્સેક્સ 181.87 પોઈન્ટ અથવા 0.24 ટકા વધીને 76,992.77 પોઈન્ટની નવી હાઈ લેવલે બંધ થયો છે.
NSE ઈન્ડેક્સ નિફ્ટી 66.70 પોઈન્ટ અથવા 0.29 ટકાના વધારા સાથે 23,465.60 પોઈન્ટના રેકોર્ડ સ્તરે બંધ થયો હતો. હવે શેરબજાર સતત ત્રણ દિવસ બંધ રહેવાનું છે. 3 દિવસની રજા બાદ 18 જૂને બજાર ખુલશે.
શેર માર્કેટ સતત ત્રણ દિવસ બંધ રહેશે : શેર માર્કેટ 15 જૂન (શનિવાર), 16 જૂન (રવિવાર) અને 17 જૂન (સોમવાર)ના રોજ સતત ત્રણ દિવસ બંધ રહેશે. 17 જૂને બકરી ઈદના કારણે શેરબજાર બંધ રહેશે. બકરી ઈદના દિવસે ટ્રેડિંગ રજાઓ પર ઇક્વિટી સેક્ટર, ઇક્વિટી ડેરિવેટિવ સેગમેન્ટ અને SLB સેગમેન્ટમાં કોઈ ટ્રેડિંગ થશે નહીં. જો કે કોમોડિટી માર્કેટમાં કામકાજ 17 જૂનના સાંજે 5 થી 11:00 વાગ્યાના સત્રમાં કરવામાં આવશે.
14 જૂનના બિઝનેસમાં ટોપ ગેનર અને ટોપ લૂઝર : નિફ્ટી પર સૌથી વધુ નફો કરનારાઓમાં આઇશર મોટર્સ, એમએન્ડએમ, અદાણી પોર્ટ્સ, શ્રીરામ ફાઇનાન્સ અને ટાઇટન કંપનીનો સમાવેશ થાય છે, જ્યારે ઓછા નફામાં TCS, ટેક મહિન્દ્રા, એચસીએલ ટેક્નોલોજી, વિપ્રો અને નેસ્લેનો સમાવેશ થાય છે.
શેરબજારમાં ત્રણ સત્રોથી ચાલી રહેલા તેજીના વલણ વચ્ચે શુક્રવારે (14 જૂન) BSE લિસ્ટેડ કંપનીઓનું કુલ માર્કેટ કેપ રૂપિયા 4,34,88,147.51 કરોડની નવી ઓલ-ટાઇમ હાઈએ પહોંચ્યું હતું. ત્રણ દિવસના તેજીના સમયગાળા દરમિયાન રોકાણકારોની સંપત્તિમાં કુલ રૂપિયા 7.93 લાખ કરોડનો વધારો નોંધાયો છે.