Stock Market: કાલે બજાર ખુલતાની સાથે જ આ શેરોમાં એક્શન જોવા મળશે! શું તમારા પોર્ટફોલિયોમાં આ સ્ટોક છે?
ગયા શુક્રવારે (20 જૂન) બજાર બંધ થયા પછી ઘણી કંપનીઓ સંબંધિત ખાસ માહિતી બહાર આવી હતી, જેની અસર સોમવાર 23 જૂને બજાર ખુલતાની સાથે જોવા મળી શકે છે.
LT ફૂડ્સ: યુએસ ડિપાર્ટમેન્ટ ઓફ કોમર્સે 'ARM Ecopure'ના ઓર્ગેનિક સોયાબીન મીલ નિકાસ પર 340.7%ની ભારે કાઉન્ટર વેલિંગ ડ્યુટી (CVD) લાદી છે. જો કે, ઇકોપ્યોર કાનૂની વિકલ્પની શોધમાં છે.
બેંક ઓફ ઈન્ડિયા: 26 જૂનના રોજ, બેંક ઓફ ઈન્ડિયાનું બોર્ડ લાંબા ગાળાના ઈન્ફ્રા બોન્ડ દ્વારા ફંડ એકત્ર કરવાનું વિચારશે.
બાયોકોન: બાયોકોને ક્વોલિફાઇડ ઇન્સ્ટિટ્યૂશનલ પ્લેસમેન્ટ (QIP) દ્વારા રૂ. 4500 કરોડ ($523 મિલિયન) એકત્ર કર્યા.
BEL: કંપનીને 5 જૂનથી રૂ. 585 કરોડના નવા ડિફેન્સ ઓર્ડર મળ્યા છે. આમાં મિસાઈલ ફાયર કંટ્રોલ સિસ્ટમ્સ, કોમ્યુનિકેશન સાધનો અને સ્પેરપાર્ટસનો સમાવેશ થાય છે.
Waaree Renewables: કંપનીના સોલાર EPC ઓર્ડરમાં રૂ. 246.92 કરોડનો વધારો થયો છે. હવે પ્રોજેક્ટનું કુલ મૂલ્ય રૂ. 1480.40 કરોડ થયું છે. ખાસ વાત તો એ કે, આ 2,012.47 મેગાવોટનો ગ્રાઉન્ડ-માઉન્ટેડ સોલાર પ્રોજેક્ટ છે.
Sai Life Sciences Block Deal: TPG એશિયાએ કંપનીમાં 10% હિસ્સો એટલે કે રૂ. 1,505 કરોડમાં વેચ્યો. શેર સરેરાશ રૂ. 722 પ્રતિ શેરના ભાવે વેચાયા. ખરીદદારોમાં આદિત્ય બિરલા સન લાઈફ MF, એક્સિસ મ્યુચ્યુઅલ ફંડ, નિપ્પોન ઈન્ડિયા MFનો સમાવેશ થાય છે.
CEAT: 25 જૂનના રોજ, કંપની ડેટ ઇન્સ્ટ્રુમેન્ટ્સ દ્વારા ફંડ એકત્ર કરવાનું વિચારશે. બીજીબાજુ બંધન બેંકની વાત કરીએ તો, 'RBI'એ બંધન બેંકમાં ડિરેક્ટર તરીકે અરુણ કુમાર સિંહનો કાર્યકાળ 24 જૂનથી એક વર્ષ માટે લંબાવ્યો છે. 24 જૂન, 2024 થી RBI દ્વારા સિંહને ડિરેક્ટર તરીકે નિયુક્ત કરવામાં આવ્યા.
સ્મોલ ફાઇનાન્સ બેંક: 'RBI'એ શુક્રવારે સ્મોલ ફાઇનાન્સ બેંકો માટેના ઉધાર નિયમો હળવા કર્યા. પ્રાથમિકતા ક્ષેત્ર (કૃષિ, નાના ઉદ્યોગો) માટે અનિવાર્ય ઉધાર આવશ્યકતા 15% ઘટાડી.
