DigiLocker : 12મું ધોરણ પાસ કરતા પહેલા વિદ્યાર્થી માટે ડિજીલોકર એકાઉન્ટ બનાવવું કેમ મહત્વપૂર્ણ છે ? અહીં જાણો 5 ફાયદા
DigiLocker: હવે વિદ્યાર્થીઓને તેમના પ્રમાણપત્રો કે માર્કશીટ ખોવાઈ જવાની ચિંતા કરવાની જરૂર નથી. કારણ કે સરકારે એક ઉત્તમ ઉકેલ પૂરો પાડ્યો છે. ડિજીલોકર એ એક સુરક્ષિત ઓનલાઈન પ્લેટફોર્મ છે જે વડાપ્રધાન નરેન્દ્ર મોદી દ્વારા જુલાઈ 2015 માં ડિજિટલ ઈન્ડિયા ઝુંબેશના ભાગ રૂપે શરૂ કરવામાં આવ્યું હતું.
ડિજીલોકરના 5 મુખ્ય ફાયદા: ડિજીલોકર વડે વિદ્યાર્થીઓ તેમના બધા પ્રમાણપત્રો અને ડોક્યુમેન્ટ્સ એક જ જગ્યાએ સ્ટોર કરી શકે છે. આ કાગળો સંભાળવાની ઝંઝટ દૂર કરે છે. ઇન્ટરનેટ કનેક્શન સાથે કોઈપણ ડોક્યુમેન્ટ્સ ગમે ત્યારે, ગમે ત્યાં ડાઉનલોડ અથવા શેર કરી શકાય છે.
ડિજીલોકર એક સરકાર સંચાલિત પ્લેટફોર્મ છે. જ્યાં ડેટાને એન્ક્રિપ્શન ટેકનોલોજી દ્વારા સુરક્ષિત કરવામાં આવે છે. ડિજીલોકર દ્વારા જનરેટ કરાયેલા ડોક્યુમેન્ટ્સ સરકારી કચેરીઓ અને યુનિવર્સિટીઓમાં સંપૂર્ણપણે માન્ય માનવામાં આવે છે. દસ્તાવેજોનો ડિજિટલ સંગ્રહ કરવો એ કાગળનો વપરાશ ઘટાડે છે, જે પર્યાવરણને પણ ફાયદો પહોંચાડે છે.
ડિજીલોકર એકાઉન્ટ બનાવીને વિદ્યાર્થીઓ ફક્ત તેમના દસ્તાવેજોને સુરક્ષિત રાખી શકતા નથી, પરંતુ પ્રવેશ અને નોકરીની અરજીઓ જેવી ભવિષ્યની પ્રક્રિયાઓને પણ સરળ બનાવી શકે છે. તેથી દરેક વિદ્યાર્થીએ 12મું ધોરણ પૂર્ણ કરતાં પહેલા ડિજીલોકર એકાઉન્ટ બનાવવું જોઈએ.
