Thyroid cancer : ગળામાં તકલીફ કે અવાજમાં બદલાવ – આ હોઈ શકે છે થાઈરોઈડ કેન્સરના સંકેતો, સાવધાન!
Thyroid cancer : કેન્સર એક ગંભીર બીમારી છે, જે કોઈને પણ તેની ઝપેટમાં લઈ શકે છે. આ બીમારીના અનેક પ્રકાર હોય છે, જે શરીરના જે અંગને અસર કરે છે. થાઈરોઈડ કેન્સર વિશે ઘણા ઓછાં લોકો જાણે છે. ચાલો વિગતે જાણીએ.
થાઈરોઈડ ગળામાં આવેલી એક નાની અને પતંગિયા આકારની ગ્રંથિ છે, જે શરીરમાં અનેક જરુરી કામ કરે છે. આ ગ્રંથિ એવા હોર્મોન્સ ઉત્પન્ન કરે છે જે શરીરનું તાપમાન, હૃદયના ધબકારા અને મેટાબોલિઝ્ને નિયંત્રિત કરે છે.
કોને વધુ થઈ શકે છે આ કેન્સર ? - આ કેન્સર કોઈને પણ થઈ શકે છે. જોકે, પુરુષોની તુલનામાં મહિલાઓને ત્રણ ગણી વધુ થવાની શક્યતા હોય છે. આ રોગ સામાન્ય રીતે 40 અને 50 વર્ષની સ્ત્રીઓ અને 60 અને 70 વર્ષની વયના પુરુષોમાં જોવા મળે છે. ઉપરાંત, આ રોગ બાળકોને પણ અસર કરી શકે છે.
થાઇરોઇડ કેન્સરના લક્ષણો - થાઈરોઈડના લક્ષણોમાં સામાન્ય રીતે કંઈપણ ખાવા-પીવામાં મુશ્કેલી અને ગળામાં દુખાવો તેના સામાન્ય લક્ષણો છે બીજા લક્ષણો જેવા કે થાક લાગવો, ભૂખ ન લાગવી, ઉબકા અને ઉલટી, કારણ વગર વજન ઘટવું લક્ષણો દેખાય છે, તો તેને હળવાશથી ન લેશો.
થાઇરોઇડ કેન્સરના મુખ્ય લક્ષણો - ગરદનમાં લસિકા ગાંઠોમાં સોજો, શ્વાસ લેવામાં કે ગળી જવામાં તકલીફ, અવાજ ગુમાવવો અથવા ભારે અવાજ
થાઇરોઇડ કેન્સરના કારણો શું છે? - મોટું થયેલુ થાઇરોઇડ (ગોઇટર), થાઇરોઇડ ડિસીસ અથવા થાઇરોઇડ કેન્સરનો કૌટુંબિક ઇતિહાસ, થાઇરોઇડ ગ્રંથિની બળતરા, શરીરમાં આયોડિનની ઉણપ, માથા અને ગરદનના કેન્સર માટે રેડિયેશન થેરાપી
