Perfume Vs Deodorant : પરફ્યુમ અને ડિઓડરન્ટ વચ્ચે શું તફાવત છે? જાણો શેનો ઉપયોગ ક્યારે કરવો
Perfume Vs Deodorant : પરફ્યુમ અને ડિઓડરન્ટ વચ્ચેનો તફાવત જાણ્યા વિના આપણે ફક્ત આપણી મનપસંદ સુગંધ વિશે વિચારીને પરફ્યુમ અથવા ડિઓડરન્ટ ખરીદીએ છીએ. ચાલો જાણીએ આ બંને વચ્ચેનો તફાવત અને તેનો ઉપયોગ કરવાની સાચી રીત.
Perfume Vs Deodorant : ઘણા લોકો પરફ્યુમ અને ડિઓડરન્ટનો ઉપયોગ કરે છે. સામાન્ય રીતે લોકો ઉનાળાની ઋતુમાં પરસેવાની દુર્ગંધથી છુટકારો મેળવવા અથવા પાર્ટી, ઓફિસ અને મિત્રોની વચ્ચે ફ્રેશ ફિલ કરવા માટે પરફ્યુમ અથવા ડિઓડરન્ટનો ઉપયોગ કરે છે. મોટા ભાગના લોકોએ તેમના રોજિંદા ઉપયોગમાં આનો સમાવેશ કર્યો છે. શું તમે જાણો છો કે ડિઓડરન્ટ અને પરફ્યુમ બે અલગ-અલગ પ્રકારની પ્રોડક્ટ્સ છે? આજે અમે તમને તફાવત વિશે જણાવશું.
સુગંધમાં તફાવત : ડિઓડરન્ટ અને પરફ્યુમ વચ્ચેનો સૌથી મોટો તફાવત પરફ્યુમ એસેન્સનો છે. જ્યારે અમુક પરફ્યુમમાં પરફ્યુમ એસેન્સ 25 ટકા સુધી હોય છે, તો બીજી તરફ ડિઓડરન્ટમાં પરફ્યુમ એસેન્સ માત્ર 1-2 ટકા હોય છે. આ કારણોસર પરફ્યુમની સુગંધ ડિઓ કરતાં વધુ સ્ટ્રોંગ હોય છે.
લોન્ગ લાસ્ટિંગનું અંતર : વધુ પરફ્યુમ એસેન્સની હાજરીને કારણે પરફ્યુમ માત્ર ડિઓડરન્ટ કરતાં વધુ સ્ટ્રોંગ જ નથી પણ સુગંધની દ્રષ્ટિએ પણ લાંબો સમય ટકી રહે છે. જ્યારે ડિઓડરન્ટની સુગંધ 4 કલાકથી વધુ સમય સુધી રહેતી નથી, ત્યારે પરફ્યુમની સુગંધ લગભગ 12 કલાક સુધી અકબંધ રહે છે.
પરસેવો પર અસર : પરફ્યુમ શરીરમાંથી પરસેવાની દુર્ગંધને દૂર કરવામાં ખૂબ અસરકારક છે. પરંતુ તે પરસેવા પર બિનઅસરકારક સાબિત થાય છે. ડિઓડરન્ટમાં એન્ટી-પર્સપરન્ટ નામનું તત્વ હાજર હોય છે, જે શરીરના પરસેવાને શોષી લે છે અને ત્વચાને ચીકણી થતી અટકાવે છે અને તમે લાંબા સમય સુધી તાજગી અનુભવી શકો છો.
સ્કિન પર અસર : પરફ્યુમમાં મોટી માત્રામાં કોન્સંટ્રેટ હોય છે. આવી સ્થિતિમાં તેને સીધો ત્વચા પર છાંટવો ખૂબ નુકસાનકારક સાબિત થઈ શકે છે. તેથી હંમેશા વાળ અને કપડાં પર જ પરફ્યુમ લગાવો. જો આપણે ડિઓડરન્ટ વિશે વાત કરીએ તો તેનું કોન્સંટ્રેશન ઓછું હોય છે, તેથી ડિઓડરન્ટની સુગંધ ત્વચા પર લાંબા સમય સુધી રહે છે.
કિંમત : ડિઓડરન્ટ અને પરફ્યુમ વચ્ચે કિંમતમાં પણ મોટો તફાવત છે. સામાન્ય રીતે ડીઓડરન્ટ બજારમાં ખૂબ જ ઓછી કિંમતે મળે છે. કેટલીક કંપનીઓ પાસે ઓછા બજેટમાં પણ બજારમાં પરફ્યુમના વિકલ્પો ઉપલબ્ધ હોય છે, પરંતુ સારી બ્રાન્ડ અને સારી ગુણવત્તાવાળા પરફ્યુમ ખૂબ મોંઘા હોય છે.