Dev Deepawali 2024: અદભૂત, કાશી દીવાઓથી ઝગમગી ઉઠ્યું, 84 ગંગા ઘાટ પર 21 લાખ દીવાઓ પ્રગટાવ્યાં, જુઓ તસવીરો
શુક્રવારે કાશીમાં દેવ દીવાળીની ધામધૂમથી ઉજવણી કરવામાં આવી હતી. દેશભરમાંથી કાશી પહોંચેલા પ્રવાસીઓએ આ ઉત્સવનો ભરપૂર આનંદ માણ્યો હતો. આ દરમિયાન નમો ઘાટનું પણ ઉદ્ઘાટન કરવામાં આવ્યું હતું.
વૈદિક મંત્રોચ્ચાર વચ્ચે ગંગા પૂજા સાથે આ કાર્યક્રમની શરૂઆત થઈ. આ પછી બટુકોએ માતા ગંગાની આરતી ઉતારી હતી.
સાંસ્કૃતિક કાર્યક્રમોની શ્રેણીમાં ઘણી પ્રસ્તુતિઓ જોવા મળી હતી.
અસ્સી ઘાટ પર હાજર લોકો હર હર ગંગે, હર હર મહાદેવના નારા લગાવતા રહ્યા. બાળકો, મહિલાઓ અને વડીલો, દરેક જણ આ ક્ષણને પોતાના કેમેરામાં કેદ કરવામાં વ્યસ્ત હતા.
દેવ દિવાળી પર, ડ્રેગન લાઇટથી સજ્જ ખલાસીઓ ગંગામાં બોટ લઈ ગયા. રાત્રી હોવાથી બધા ખલાસીઓ ઘોંઘાટ વચ્ચે લાઇટની મદદથી જમણેથી ડાબી તરફ જવા માટે એકબીજાને સંદેશો આપી રહ્યા હતા.
દેવ દિવાળી નિમિત્તે બાબા વિશ્વનાથ ધામને વિશેષ રીતે શણગારવામાં આવ્યું હતું. સમગ્ર ધામ રંગબેરંગી રોશનીથી ઝગમગી ઉઠ્યું હતું.દેવ દિવાળી પર્વની ધામધૂમથી ઉજવણી કરવામાં આવી હતી. આ દરમિયાન જોરદાર આતશબાજી કરવામાં આવી હતી. તમામ ઘાટ રંગબેરંગી રોશનીથી ઝગમગી ઉઠ્યા હતા.
Published On - 11:48 pm, Fri, 15 November 24
