Rekha Gupta Family Tree : દિલ્હીના નવા મુખ્યમંત્રી રેખા ગુપ્તાના પરિવાર વિશે જાણો
Mar 25, 2025 | 11:03 AM
દિલ્હીના નવા મુખ્યમંત્રી રેખા ગુપ્તાની કુલ સંપત્તિ 5.3 કરોડ રૂપિયા છે, તો આજે આપણે રેખા ગુપ્તાની પર્સનલાઈફ વિશે રસપ્રદ માહિતી જાણીશું.
ચાલો આજે આપણે રેખા ગુપ્તાના પરિવાર તેમજ તેની પર્સનલ લાઈફ વિશે જાણીએ.
રેખા ગુપ્તા દિલ્હીના 9મા મુખ્યમંત્રી અને દિલ્હીના ચોથા મહિલા મુખ્યમંત્રી બનશે. રેખા ગુપ્તા પહેલા ભાજપે સુષ્મા સ્વરાજને, કોંગ્રેસે શીલા દીક્ષિતને અને આમ આદમી પાર્ટીએ આતિશીને મહિલા મુખ્યમંત્રી બનાવ્યા હતા.
શાલીમાર બાગથી પહેલી વાર ધારાસભ્ય બનેલા રેખા ગુપ્તાને ભાજપ વિધાનસભા પક્ષની બેઠકમાં સર્વાનુમતે નેતા તરીકે ચૂંટવામાં આવ્યા છે.
રેખા ગુપ્તા 2025ની દિલ્હી વિધાનસભા ચૂંટણીમાં ભાજપના ઉમેદવાર તરીકે ચૂંટણી લડી હતી. તેમની ઉંમર 50 વર્ષ છે અને તેમની શૈક્ષણિક લાયકાત જોઈએ તો તે એલએલબી પાસ છે.
રેખા ગુપ્તા દિલ્હીથી ભારતીય જનતા પાર્ટીના નેતા છે. તેઓ દિલ્હી યુનિવર્સિટી વિદ્યાર્થી સંઘના ભૂતપૂર્વ મહાસચિવ અને પ્રમુખ, પાર્ટીના રાષ્ટ્રીય કાર્યકારિણીના સભ્ય અને પાર્ટીના દિલ્હી રાજ્ય એકમના મહાસચિવ છે.
તેઓ 1996-1997 માં દિલ્હી યુનિવર્સિટી વિદ્યાર્થી સંઘ (DUSU)ના પ્રમુખ બન્યા. 2007માં તેઓ ઉત્તરી પીતમપુરા (વોર્ડ 54) થી દિલ્હી કાઉન્સિલર ચૂંટણીમાં ચૂંટાયા હતા. 2012માં તેઓ ફરીથી ઉત્તરી પીતમપુરા (વોર્ડ 54) થી દિલ્હી કાઉન્સિલર ચૂંટણીમાં ચૂંટાયા હતા.
રેખા ગુપ્તાના પિતા સ્ટેટ બેંક ઓફ ઈન્ડિયામાં કામ કરતા હતા, અને આ કારણે તેમનો પરિવાર દિલ્હી શિફ્ટ થયો. તેમના દાદા મણિરામ જિંદાલ ગામમાં રહેતા હતા,
દિલ્હીમાં તાજેતરમાં પૂર્ણ થયેલી વિધાનસભા ચૂંટણીમાં રેખા ગુપ્તાએ શાલીમાર બાગથી ચૂંટણી જીતી છે. રેખા ગુપ્તા એલએલબી પાસ છે. જો દિલ્હીમાં મુખ્યમંત્રી પદની જવાબદારી કોઈ મહિલાને સોંપવામાં આવે તો રેખા ગુપ્તાનો દાવો ખૂબ જ મજબૂત છે.
રેખા ગુપ્તાનો જન્મ હરિયાણાના જીંદના નંદગઢ ગામમાં થયો હતો. તેમના જન્મના બે વર્ષ પછી, જ્યારે તેમના પિતાને સ્ટેટ બેંક ઓફ ઈન્ડિયામાં મેનેજર તરીકે નોકરી મળી ત્યારે તેમનો આખો પરિવાર દિલ્હી શિફ્ટ થઈ ગયો. રેખા ગુપ્તાએ પોતાનું સંપૂર્ણ શિક્ષણ દિલ્હીમાં પૂર્ણ કર્યું.
આ સમય દરમિયાન, તે ABVP એટલે કે અખિલ ભારતીય વિદ્યાર્થી પરિષદમાં જોડાઈ અને રાજકારણમાં સક્રિય થઈ.
રેખા ગુપ્તા વૈશ્ય સમુદાયમાંથી આવે છે, વૈશ્ય સમુદાયને પણ ભાજપનો મુખ્ય મતદાર માનવામાં આવે છે.
ભાજપે તેમને શાલીમાર બાગથી ટિકિટ આપી હતી. રેખા ગુપ્તા પાર્ટીની અપેક્ષાઓ પર ખરી ઉતરી અને જીત પણ મેળવી હતી. તેમણે AAPના બંદના કુમારીને 29 હજાર 595 મતોથી હાર આપી હતી.
Published On - 8:15 pm, Wed, 19 February 25