દિલ્હીમાં શ્વાસ લેવો એ દરરોજ 14 સિગારેટ પીવા બરાબર, જાણો અમદાવાદની હવા કેટલી ઝેરી
દિલ્હી-એનસીઆરની હવા ગૂંગળામણભરી બની ગઈ છે. દિલ્હીનો આજનો એટલે કે 19 નવેમ્બરનો AQIનો આંકડો 362 પર પહોંચ્યો છે. ત્યારે દિલ્હીની હવા શ્વાસમાં લેવી એ દરરોજ 13-14 સિગારેટ પીવાથી થતા નુકસાન બરાબર છે. ત્યારે આ લેખમાં જાણીશું કે, અમદાવાદની હવા કેટલી ઝેરી છે.
દિલ્હી-એનસીઆરની હવા ગૂંગળામણભરી બની ગઈ છે. દિલ્હીનો આજનો એટલે કે 19 નવેમ્બરનો AQIનો આંકડો 362 પર પહોંચ્યો છે.
બાંધકામ સહિત અનેક કામો પર પ્રતિબંધ મુકવામાં આવ્યો છે. દિલ્હી-એનસીઆરની હવા ઝેરી બની ગઈ છે. તેથી દિલ્હીની હવા શ્વાસમાં લેવી એ દરરોજ 14-15 સિગરેટ પીવાથી થતા નુકસાન બરાબર છે.
જો આપણે દિલ્હી-એનસીઆરમાં ઝેરી હવાની સ્થિતિને સિગારેટના ધુમાડા સાથે સરખાવીએ તો આંકડા ચોંકાવનારા છે. જો AQI 500 કે તેથી વધુ હોય, તો તેનો અર્થ એ છે કે પ્રદૂષણનું સ્તર ગંભીર સ્તરે પહોંચી ગયું છે.
જો આપણે AQIને સિગારેટ પીવાથી થતા નુકસાન સાથે સરખાવીએ તો, 450-500 AQI 25-30 સિગારેટ પીવાના બરાબર છે, 401-450 AQI 16-20 સિગારેટ પીવા બરાબર છે. આ સિવાય 301-400 લેવલ પર અને 201-300 AQI 11-15 અને 6-10 સિગારેટ પીવાના બરાબર છે.
આ ઉપરાંત 101-200 સ્તર 3-5 સિગારેટ કરવા બરાબર છે, 51-100 AQI સ્તર 1-2 સિગારેટ પીવાના બરાબર છે. જ્યારે 0-50 AQI લેવલ સારું માનવામાં આવે છે. તેના આધારે તમે તમારા શહેરની સ્થિતિ જાણી શકો છો.
જો આપણે અમદાવાદના AQIની વાત કરીએ તો, 19 નવેમ્બરના રોજ શહેરનો AQI 102 છે, તેનો અર્થ એ છે કે, અમદાવાદમાં શ્વાસ લેવો એ દરરોજ 2થી3 સિગારેટ પીવા બરાબર છે.