WPLની નવી સિઝનમાં શું છે ખાસ? મેચ ક્યાં જોઈ શકશો લાઈવ, જાણો ટુર્નામેન્ટનું A to Z
મહિલા પ્રીમિયર લીગ 2025 (WPL 2025) ગુરુવાર 14 ફેબ્રુઆરીથી શરૂ થવા જઈ રહી છે. પહેલી બે સિઝનના સફળ આયોજન પછી હવે ત્રીજી સિઝન રમવા જઈ રહી છે. આ ટુર્નામેન્ટની શરૂઆત ડિફેન્ડિંગ ચેમ્પિયન રોયલ ચેલેન્જર્સ બેંગલુરુની મેચથી થશે. પ્રથમ દિવસે RCBનો મુકાબલો ગુજરાત જાયન્ટ્સ સામે થશે. પણ શું તમે જાણો છો કે આ વખતે શું ખાસ બનવાનું છે અને ઈનામની રકમ કેટલી હશે? તમે આ કેવી રીતે જોઈ શકો છો? ચાલો તમને નવી સિઝન વિશે બધું જણાવીએ.
છેલ્લી બે સિઝનમાં વિજેતા ટીમને 6 કરોડ અને રનર-અપ ટીમને 3 કરોડ રૂપિયાની ઈનામી રકમ આપવામાં આવી હતી. સૌથી વધુ રન બનાવનાર અને સૌથી વધુ વિકેટ લેનાર ખેલાડીને 5 લાખ રૂપિયા મળ્યા હતા. ફાઈનલ મેચમાં પ્લેયર ઓફ ધ મેચને 2.5 લાખ રૂપિયા આપવામાં આવ્યા હતા. આ વખતે BCCIએ હજુ સુધી આમાં ફેરફાર વિશે કંઈ કહ્યું નથી. આનો અર્થ એ થયો કે આ વખતે પણ ઈનામની રકમ છેલ્લી 2 સિઝન જેટલી જ રહેશે. જો આપણે નિયમો વિશે વાત કરીએ તો તેમાં પણ કોઈ ફેરફાર કરવામાં આવ્યા નથી.
WPL 2025નું ટીવી પર લાઈવ પ્રસારણ પણ કરવામાં આવશે. દર્શકો આ મહિલા T20 લીગની બધી મેચો ભારતીય સમય મુજબ સાંજે 7.30 વાગ્યાથી સ્પોર્ટ્સ 18 નેટવર્ક પર જોઈ શકશે. જે ચાહકો મોબાઈલ પર લાઈવ સ્ટ્રીમિંગનો આનંદ માણવા માંગે છે તેમણે જિયો સિનેમા તરફ વળવું પડશે, જ્યાં મફતમાં મેચ જોઈ શકશો. (All Photo Credit : X / WPL)
Published On - 7:24 pm, Thu, 13 February 25
