Women Asia Cup Semi Final: 8મી વખત ચેમ્પિયન બનવાથી ભારતીય મહિલા ટીમ 1 ડગલું દુર, આજે બાંગ્લાદેશ સામે ટકકર
મહિલા એશિયા કપમાં શુક્રવારે ભારત અને બાંગ્લાદેશ મહિલ ટીમ વચ્ચે સેમિફાઈનલ રમાશે. તો ચાલો જોઈએ આ બંન્નેમાંથી કઈ ટીમનું પલડું ભારે છે, અને તમે એશિયા કપની સેમિફાઈનલ ક્યાં અને ક્યારે લાઈવ જોઈ શકશો.
1 / 5
ભારતીય મહિલા ક્રિકેટ ટીમ એશિયા કપની સેમિફાઈનલમાં બાંગ્લાદેશ સામે જીતની પ્રબળ દાવેદાર છે. આજે સૌની નજર શેફાલી વર્મા પર રહેશે. તેમજ સ્મૃતિ મંધાનાના મોટા સ્કોર પર ચાહકોની નજર રહેશે. શેફાલીએ અત્યારસુધી 158 રન બનાવ્યા છે, તે ટૂર્નામેન્ટમાં બીજી સૌથી વધુ રન બનાવનારી ખેલાડી છે.
2 / 5
ભારતીય મહિલા ટીમે તેમની 3 મેચમાં વિરોધી ટીમને હાર આપી છે. જેમાં પાકિસ્તાનની મહિલા ટીમને 7 વિકેટથી, સંયુક્ત અરબ અમીરાતને 78 રનથી અને નેપાળ વિરુદ્ધ 82 રનથી જીત મેળવી હતી.
3 / 5
મહિલા એશિયા કપમાં ભારતીય ટીમનું શાનદાર પ્રદર્શન રહ્યું છે. અત્યારસુધી રમાયેલી 8 સીઝનમાં ભારતીય મહિલા ટીમ 7 વખત ચેમ્પિયન બની છે. 2018માં બાંગ્લાદેશે ભારતીય ટીમને ચેમ્પિયન થતાં રોકી હતી. આજે ભારતીય મહિલા ટીમ ફાઈનલથી માત્ર એક ડગલું દુર છે. પરંતુ બાંગ્લાદેશને હળવાશથી ન લેવું જોઈએ.
4 / 5
મહિલા એશિયા કપ 2024ની સેમિફાઇનલમાં ભારત અને બાંગ્લાદેશની ટીમો આમને-સામને છે. મેચ શુક્રવારે બપોરે 2 વાગ્યે દામ્બુલામાં શરૂ થશે, જેનું સ્ટારસ્પોર્ટ્સ અને હોટસ્ટાર પર લાઈવ પ્રસારણ કરવામાં આવશે. બીજી સેમિફાઇનલ પાકિસ્તાન અને શ્રીલંકા વચ્ચે સાંજે 7 વાગ્યે રમાશે.
5 / 5
ભારત માટે શરુઆત મહત્વની રહેશે. જેના માટે શેફાલી ઈચ્છશે કે, સીનિયર જોડીદાર મંધાના પણ સારું પ્રદર્શન કરે.આજે ભારતીય મહિલા ક્રિકેટ ટીમ ફાઈનલની ટિકિટ મેળવવાના લક્ષ્ય સાથે મેદાનમાં ઉતરશે.