ક્રિકેટ રમતા દાંત તૂટી ગયો તો પિતાએ ક્રિકેટ રમવા પર પ્રતિબંધ લગાવ્યો, આવો છે વીરેન્દ્ર સહેવાગનો પરિવાર
પૂર્વ ક્રિકેટર વીરેન્દ્ર સેહવાગ (Virender Sehwag)20 ઓક્ટોબર 2022ના રોજ પોતાનો 44મો જન્મદિવસ ઉજવી રહ્યો છે. ક્રિકેટની દુનિયામાં ઘણા રેકોર્ડ બનાવનાર વીરેન્દ્ર સેહવાગના ઈન્સ્ટાગ્રામ લાખો ફોલોઅર્સ છે. તેણે પોતાનો અભ્યાસ દિલ્હીથી કર્યો હતો. પુત્ર આર્યવીરને BCCI દ્વારા આયોજિત વિજય મર્ચન્ટ ટ્રોફી માટે દિલ્હીની અંડર-16 ટીમમાંથી રમી ચૂક્યો છે.
અંજુ સેહવાગે બિઝનેસમેન ચૌધરી રવિન્દર સિંહ મહલવાલ સાથે લગ્ન કર્યા છે.તમને જણાવી દઈએ કે અંજુ સેહવાગ વ્યવસાયે એક શિક્ષક છે અને એવું કહેવામાં આવી રહ્યું છે કે તે દિલ્હીમાં સીએમ અરવિંદર કેજરીવાલ દ્વારા કરવામાં આવી રહેલા કામથી ખૂબ પ્રભાવિત છે અને તેથી તે આમ આદમી પાર્ટીમાં સામેલ થઈ ચૂકી છે.
સેહવાગે પાકિસ્તાન સામે તેની ટેસ્ટ કારકિર્દીની પ્રથમ ત્રેવડી સદી ફટકારી હતી. તેણે 2003-04ના પાકિસ્તાન પ્રવાસ દરમિયાન મુલતાનમાં 309 રનની ઇનિંગ રમી હતી. આ સાથે તે ભારત માટે ટેસ્ટમાં સદી ફટકારનાર પ્રથમ બેટ્સમેન બન્યો છે.
વિરેન્દ્ર સેહવાગ જમણા હાથના બેટ્સમેન તરીકે પ્રખ્યાત છે. તેઓ વીરુ, મુલતાનના સુલતાન જેવા ઉપનામોથી પણ ઓળખાય છે. તેના નામે ઘણા રેકોર્ડ છે. તેણે 2004માં પાકિસ્તાનમાં 304 રનની શાનદાર ઇનિંગ રમી હતી. જે બાદ તેમને 'મુલતાનનો સુલતાન'નું બિરુદ આપવામાં આવ્યું હતું.
12 વર્ષની ઉંમરે ક્રિકેટ રમતા વીરેન્દ્રનો દાંત તૂટી ગયો હતો. ત્યારબાદ તેના પિતાએ તેને ક્રિકેટ રમવા પર પ્રતિબંધ લગાવી દીધો હતો. તેણે પોતાની કારકિર્દીમાં 104 ટેસ્ટ મેચ રમી છે, જેમાં તેણે 49.34ની એવરેજથી 8586 રન બનાવ્યા છે. આ સાથે જ તેણે 251 ODI મેચમાં 8273 રન બનાવ્યા છે. આ સિવાય 19 T20 ઈન્ટરનેશનલ મેચ રમીને તેણે 145.38ના સ્ટ્રાઈક રેટથી 394 રન બનાવ્યા છે.
Published On - 1:40 pm, Fri, 20 October 23
