23.75 કરોડ રૂપિયામાં વેચાયેલ ખેલાડી થયો ઈજાગ્રસ્ત, IPL પહેલા આ ટીમનું વધ્યું ટેન્શન
IPL 2025ની સિઝન આગામી 60 દિવસથી પણ ઓછા સમયમાં શરૂ થશે અને તે પહેલા ઓક્શનમાં 23.75 કરોડ રૂપિયામાં ટીમમાં સામેલ કરાયેલ ખેલાડી ઈજાગ્રસ્ત થતાં ફ્રેન્ચાઈઝીનું ટેન્શન વધી ગયું છે. આ ઈજા કેટલી ગંભીર છે અને તેની IPL સિઝન પર કેટલી અસર પડશે તે જોવાનું રહ્યું.
આઉટ થતાં પહેલા વેંકટેશ અય્યરે 42 રનની ઉપયોગી ઈનિંગ રમી હતી, જેના આધારે એમપીની ટીમ કોઈક રીતે સ્કોર 160 સુધી પહોંચાડવામાં સફળ રહી હતી. વેંકટેશે તેની એક ટીમ માટે સંપૂર્ણ હિંમત દર્શાવતી મજબૂત ઈનિંગ રમી હતી, પરંતુ તેની ઈજાએ ચોક્કસપણે બીજી ટીમ એટલે કે કોલકાતા નાઈટ રાઈડર્સનું ટેન્શન વધાર્યું છે. હાલમાં તે સ્પષ્ટ નથી કે તેની ઈજા કેટલી ગંભીર છે અને તે બીજી ઈનિંગમાં બેટિંગ કરવા ઉતરશે કે કેમ. પરંતુ જો તે વધુ ગંભીર બનશે તો કોલકાતાએ તેના સ્ટાર ખેલાડી વગર સિઝનની શરૂઆત કરવી પડી શકે છે.
ગત સિઝનમાં કોલકાતાને ચેમ્પિયન બનાવવામાં વેંકટેશે મોટી ભૂમિકા ભજવી હતી. તેણે ક્વોલિફાયર 1 અને ફાઈનલમાં અડધી સદી ફટકારી હતી. આખી સિઝનમાં આ બેટ્સમેને 158ના સ્ટ્રાઈક રેટથી 370 રન બનાવ્યા હતા. આ પ્રદર્શન જોઈને કોલકાતાએ તેના માટે તિજોરી ખોલી અને મેગા ઓક્શનમાં 23.75 કરોડ રૂપિયા ખર્ચ્યા. હવે KKR આશા રાખશે કે સિઝનની શરૂઆતથી જ અય્યર ટીમમાં ઉપલબ્ધ રહે. (All Photo Credit : PTI)
