ટેસ્ટની એક ઇનિંગમાં 500થી વધુ બોલ રમનાર ટોપ-5 બેટ્સમેન, ગુજરાતનો દિગ્ગજ લિસ્ટમાં એકમાત્ર ભારતીય
ટેસ્ટ ક્રિકેટમાં લાંબી ઇનિંગ રમવી એ બેટ્સમેનની ધીરજ અને ટેકનિકની કસોટી છે. કેટલાક બેટ્સમેનોએ એક જ ઇનિંગમાં 500થી વધુ બોલનો સામનો કરીને ખાસ સ્થાન બનાવ્યું છે. આ યાદીમાં ભારતના માત્ર એક જ ખેલાડીનું નામ સામેલ છે. જોકે, ટેસ્ટ ઇતિહાસમાં સૌથી વધુ 847 બોલ રમવાનો રેકોર્ડ ઇંગ્લેન્ડના દિગ્ગજ બેટ્સમેનના નામે છે.
ટેસ્ટ ક્રિકેટમાં બેટ્સમેન માટે લાંબા સમય સુધી ક્રીઝ પર ટકી રહેવું મહત્વનું હોય છે. એક ઇનિંગમાં 500થી વધુ બોલનો સામનો કરવો અત્યંત મુશ્કેલ છે અને આ સિદ્ધિ ગણતરીના બેટ્સમેનો જ મેળવી શક્યા છે.
ભારત તરફથી ચેતેશ્વર પૂજારા આ યાદીમાં સૌથી આગળ છે. 2017માં ઓસ્ટ્રેલિયા સામે રાંચી ટેસ્ટમાં તેણે 525 બોલનો સામનો કરીને 202 રન બનાવ્યા હતા. ભારતીય બેટ્સમેનોમાં આ એકમાત્ર 500થી વધુ બોલ રમવાની ઇનિંગ છે.
આ યાદીમાં વેસ્ટ ઈન્ડિઝના દિગ્ગજ બ્રાયન લારાનું નામ સામેલ છે. લારાએ બે વખત એક ઇનિંગમાં 500થી વધુ બોલ રમ્યા હતા. તેણે એક ઇનિંગમાં 582 અને બીજી ઇનિંગમાં 538 બોલનો સામનો કર્યો હતો.
ટેસ્ટની એક ઇનિંગમાં સૌથી વધુ બોલ રમવાનો રેકોર્ડ લિયોનાર્ડ હટનના નામે છે. 1938માં ઓસ્ટ્રેલિયા સામે તેણે 847 બોલનો સામનો કરીને 364 રન બનાવ્યા હતા. આજ સુધી કોઈ બેટ્સમેન 800થી વધુ બોલ રમી શક્યો નથી.
ગેરી કર્સ્ટન અને સનથ જયસૂર્યા જેવા દિગ્ગજ બેટ્સમેનોએ પણ 500થી વધુ બોલનો સામનો કર્યો છે. આ આંકડા દર્શાવે છે કે ટેસ્ટ ક્રિકેટમાં માત્ર રન બનાવવાની નહીં, પરંતુ લાંબા સમય સુધી ક્રીઝ પર ટકી રહેવાની કળા પણ કેટલી મહત્વપૂર્ણ છે. (PC:PTI/X/ESPN)
