IPL 2024 : 9 મેચ જે ટીમના ઘરઆંગણે રમાય તે ટીમ જીતી છે, તમે જ જોઈ લો આંકડાઓનું લિસ્ટ
આઈપીએલ 2024માં હોમ ટીમની મેચ જીતવાનો ટ્રેંડ ચાલું છે. 28 માર્ચના રોજ રાજસ્થાન રોયલ્સે પોતાના હોમ ગ્રાઉન્ડ પર દિલ્હી કેપિટલ્સને ધુળ ચટાવી છે. આજે કેકેઆર અને આરસીબીની ટક્કર જોવા મળશે, ત્યારે કોણ જીતે તે મેચ બાદ ખબર પડશે.
ગુરુવારના રોજ રાજસ્થાન રોયલ્સ અને દિલ્હી કેપિટલ્સ વચ્ચે આઈપીએલની 9મી મેચ રમાય હતી. આ મેચ જયપુરના સવાઈ માન સિંહ સ્ટેડિયમમાં રમાઈ હતી. આ મેચ રાજસ્થાને 12 રનથી જીતી છે. આઈપીએલ 2024માં હોમ ટીમનો મેચ જીતવાનો સિલસિલો ચાલું છે.
આજે આઈપીએલની 10મી મેચ બેંગ્લુરુના એમ ચિન્નાસ્વામી સ્ટેડિયમમાં રમાશે. તેની ટક્કર કેકેઆર સાથે થશે. તો ચાલો આજે આપણે નજર કરીએ આઈપીએલ 2024માં અત્યાર સુધી રમાયેલી તમામ 9 મેચ પર,
આઈપીએલ 2024માં અત્યાર સુધીના ટ્રેન્ડ પર નજર કરીએ તો યજમાન ટીમ દરેક મેચ જીતી રહી છે.પહેલી મેચ ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે રમાઈ હતી. જેમાં ચેન્નાઈની ટીમ 6 વિકેટથી જીત મેળવી હતી.
બીજી મેચ પંજાબ કિંગ્સ અને દિલ્હી કેપિટલ્સ વચ્ચે રમાય હતી. આ મેચમાં પંજાબ કિંગ્સે બાજી મારી હતી અને આ મેચ 4 વિકેટથી જીતી હતી.
આઈપીએલ 2024ની ત્રીજી કોલકત્તા નાઈટરાઈડર્સ અને સનરાઈઝર્સ હૈદરાબાદ વચ્ચે રમાય હતી. આ મેચમાં કેકેઆર 4 રનથી જીત્યું હતુ.
ચોથી મેચ રાજ્સ્થાન રોયલ્સ અને લખનૌ સુપર જાયન્ટસ વચ્ચે રમાય હતી. જેમાં રાજસ્થાને 20 રનથી જીત મેળવી હતી.
પાંચમી મેચ ગુજરાત અને મુંબઈ વચ્ચે અમદાવાદના નરેન્દ્ર મોદી સ્ટેડિયમમાં રમાય હતી. આ મેચ ગુજરાતે 6 રનથી જીત મેળવી હતી.
આઈપીએલ 2024ની છઠ્ઠી મેચ આરસીબી અને પંજાબ વચ્ચે રમાય હતી. જેમાં આરસીબીએ 4 વિકેટથી જીત મેળવી હતી.
સાતમી મેચ સીએસકે અને ગુજરાત વચ્ચે રમાય હતી. જેમાં ચેન્નાઈ સુપર કિંગ્સે 63 રનથી જીત મેળવી હતી.
આઠમી મેચ સનરાઈઝર્સ હૈદરાબાદ અને મુંબઈ વચ્ચે રમાય હતી. જેમાં હૈદરાબાદે 31 રનથી પોતાના ઘર આંગણે મેચ જીતી હતી.
આઈપીએલ 2024ની 9મી મેચ રાજસ્થાન રોયલ્સ અને દિલ્હી વચ્ચે જયપુરના સવાઈ માનસિંહ સ્ટેડિયમમાં આ મેચ રમાય હતી. જેમાં રાજસ્થાને 12 રનથી જીત મેળવી હતી.
