Breaking News : અર્શદીપ સિંહે રચ્યો ઈતિહાસ, બાબરને હરાવી T20નો સૌથી મોટો એવોર્ડ જીત્યો
ટીમ ઈન્ડિયાના યુવા ફાસ્ટ બોલર અર્શદીપ સિંહે પાકિસ્તાનના બાબર આઝમને હરાવી ICC મેન્સ T20I ક્રિકેટર ઓફ ધ યર 2024નો એવોર્ડ જીત્યો હતો. ઓસ્ટ્રેલિયાના ટ્રેવિસ હેડ અને ઝિમ્બાબ્વેના સિકંદર રઝા પણ આ એવોર્ડની રેસમાં હતા. જો કે આ બધાને પાછળ છોડી ભારતનો અર્શદીપ T20 ક્રિકેટર ઓફ ધ યર બન્યો છે.
બીજી તરફ અર્શદીપ સિંહે પણ ભારતને 17 વર્ષ બાદ T20 વર્લ્ડ કપનો ખિતાબ જીતાડવામાં મહત્વની ભૂમિકા ભજવી હતી. તે T20 વર્લ્ડ કપ 2024માં સૌથી વધુ વિકેટ ઝડપનાર ભારતીય બોલર હતો. તેણે આ ટૂર્નામેન્ટમાં કુલ 17 વિકેટ લીધી હતી.
ફાઈનલ મેચમાં પણ અર્શદીપ સિંહે 4 ઓવરમાં 20 રન આપીને 2 મહત્વની વિકેટ લીધી હતી, જેમાં 19મી ઓવરમાં માત્ર ચાર રન આપવાનો પણ સમાવેશ થાય છે. આ ઓવરના કારણે ભારતીય ટીમ ફાઈનલમાં સાઉથ આફ્રિકાને 7 રનથી હરાવવામાં સફળ રહી હતી.
અર્શદીપ સિંહનું આંતરરાષ્ટ્રીય ક્રિકેટમાં ડેબ્યૂ નવેમ્બર 2022માં થયું હતું. તેણે માત્ર 2 વર્ષમાં T20 ક્રિકેટમાં ભારત માટે સૌથી વધુ વિકેટ લેવાનો રેકોર્ડ પણ બનાવ્યો છે. તેણે ટીમ ઈન્ડિયા માટે T20માં અત્યાર સુધી 97 વિકેટ ઝડપી છે.
આ પહેલા આ રેકોર્ડ યુઝવેન્દ્ર ચહલના નામે હતો. યુઝવેન્દ્ર ચહલે T20માં ટીમ ઈન્ડિયા માટે 96 વિકેટ લીધી છે. પરંતુ અર્શદીપે તેને ઈંગ્લેન્ડ સામેની T20 શ્રેણીની પ્રથમ મેચમાં પાછળ છોડી દીધો હતો. (All Photo Credit : PTI / BCCI / ICC)
Published On - 6:23 pm, Sat, 25 January 25
