T20 world cup 2024 :વેસ્ટ ઈન્ડિઝે ન્યુઝીલેન્ડને હરાવીને સુપર 8 માટે ક્વોલિફાય કર્યું, કઈ કઈ ટીમે કરી સુપર 8માં એન્ટ્રી
ટી20 વર્લ્ડકપ 2024ની 26મી મેચમાં વેસ્ટઈન્ડિઝે ન્યુઝીલેન્ડને 13 રનથી હાર આપી છે. વેસ્ટઈન્ડિઝે ન્યુઝીલેન્ડને હરાવી સુપર-8માં સ્થાન બનાવી લીધું છે. તેમજ જાણો અત્યારસુધી કઈ કઈ ટીમે સુપર 8માં એન્ટ્રી કરી લીધી છે.
આજે ટી20 વર્લ્ડકપની 26મી મેચ વેસ્ટઈન્ડિઝનો સામનો ન્યુઝીલેન્ડ સામે થયો હતો. આ મેચ ત્રિનિદાદના બ્રાયન લારા સ્ટેડિયમમાં રમાઈ હતી. વેસ્ટઈન્ડિઝે પહેલા બેટિંગ કરી 149 રન બનાવ્યા હતા. જેના જવાબમાં ન્યુઝીલેન્ડની ટીમે 136 રન બનાવી શકી હતી. ન્યુઝીલેન્ડને 13 રનથી હાર આપી છે.
ટી20 વર્લ્ડકપના સુપર 8માં પહોંચનારી વધુ એક ટીમની એન્ટ્રી થઈ ચુકી છે. સાઉથ આફ્રિકા, ઓસ્ટ્રલિયા અને ભારત બાદ વેસ્ટઈન્ડિઝની ટીમે સુપર 8માં ક્વોલિફાય કરી લીધું છે.
ન્યુઝીલેન્ડની ટીમની આ ટૂર્નામેન્ટમાં આ બીજી હાર છે. ટીમનો નેટ રન રેટ પણ પહેલાથી ખરાબ છે. એટલા માટે ટીમ સુપર 8 માટે ક્વોલિફાય કરી શકશે નહિ.
ન્યુઝીલેન્ડની ટીમ સુપર-8માં પહોંચવું મુશ્કિલ છે. થોડા ચાન્સ પણ ટીમ માટે છે પરંતુ આ માટે ન્યુઝીલેન્ડની ટીમે પહેલી બંન્ને મેચ જીતવી પડશે. તેમજ અન્ય ટીમના પરિણામ પર પણ નિર્ભર રહેવું પડશે.
સુપર 8ના ક્વોલિફિકેશનની વાત કરીએ તો ગ્રુપસીના પોઈન્ટ ટેબલમાં વેસ્ટઈન્ડિઝની ટીમ 3 મેચ જીતી સુપર 8માં પહોંચી ગઈ છે. અફઘાનિસ્તાન, યુગાંડા, પાપુઆ ગિની અને ન્યુઝીલેન્ડની ટીમમાંથી કોઈ એક ટીમ આ ગ્રુપમાંથી સુપર 8માં એન્ટ્રી કરશે. હાલમાં તો અફઘાનિસ્તાનની ટીમ પાસે સુપર 8માં પહોંચવાના વધુ ચાન્સ છે.