કાવ્યા મારનની ટીમને કોણ કરી રહ્યું છે બ્લેકમેઇલ ? IPL 2025 વચ્ચે SRH ભરશે મોટું પગલું
સનરાઇઝર્સ હૈદરાબાદે હૈદરાબાદ ક્રિકેટ એસોસિએશન પર મફત ટિકિટ માંગવાનો અને ધમકીઓ આપવાનો આરોપ લગાવતા તેમના ઘરેલું મેચોને બીજા સ્ટેડિયમમાં ખસેડવાની ધમકી આપી છે. સનરાઇઝર્સ હૈદરાબાદના જનરલ મેનેજર શ્રીનાથ ટીબીએ એચસીએના ખજાનચી સીજે શ્રીનિવાસ રાવને ઇમેઇલ લખીને પોતાની નારાજગી વ્યક્ત કરી છે.
વાસ્તવમાં, ફ્રેન્ચાઇઝી અને હૈદરાબાદ ક્રિકેટ એસોસિએશન વચ્ચેનો વિવાદ 27 માર્ચે શરૂ થયો હતો, જ્યારે HCA ના પ્રતિનિધિઓએ SRH અને LSG વચ્ચેની મેચ દરમિયાન એક બોક્સ બંધ કરી દીધું હતું. ફ્રેન્ચાઇઝીએ કહ્યું કે તેઓ સ્ટેડિયમનું ભાડું ચૂકવે છે અને IPL દરમિયાન સ્ટેડિયમ પર તેમનો અધિકાર છે. પરંતુ છેલ્લી મેચમાં 20 વધારાની મફત ટિકિટ ન આપવાને કારણે F3 બોક્સ બંધ થઈ ગયું હતું.
ફ્રેન્ચાઇઝીએ આરોપ લગાવ્યો હતો કે ટિકિટ ઉપલબ્ધ ન થાય ત્યાં સુધી બોક્સ ખોલવાનો ઇનકાર કરવામાં આવ્યો હતો. તેમણે એમ પણ કહ્યું કે HCA એ છેલ્લા બે વર્ષમાં તેમના કર્મચારીઓને ઘણી વખત ધમકી આપી છે અને બળજબરીનાં આવા કિસ્સાઓ અગાઉ પણ પ્રકાશમાં આવ્યા છે. HCA ના પ્રમુખ જગન મોહને આ ઇમેઇલની પુષ્ટિ કરી છે. તેમણે સ્વીકાર્યું કે SRH અને HCA વચ્ચે મતભેદો છે પરંતુ આશા વ્યક્ત કરી કે આ મામલો ટૂંક સમયમાં ઉકેલાઈ જશે. (All Image - BCCI)
